Hebru 7:2 - Tedim Bible Revision 2017

² Abraham in a na ngah khempeuh sung panin Melkhizedek tungah sawm-ah-khat a pia hi. Melkhizedek min a khiatna in, “Thuman Kumpi,” a cihna hi phot a, tua banah Jerusalem khua kumpi zong hi lai ahih manin ama min pen, “Kilemna Kumpi,” cihna zong ahi hi.

Tedim Bible

² Abraham in a ngah sum khempeuh seh sawm suah seh khat khenin a piak, Salem Kumpipa ahi, Sang Bel Pasian’ Siampi Melkhizedek in, a min bulpi a khiatna pen dikna’ Kumpipa, tua tham loin, nopsakna’ Kumpipa a cihnopna, Salem Kumpipa hi a,

Hebru 7:2 Iomraidhean Croise

Piancilna 28:22

khuamin ka phuh sa hih suang pen Pasianʼ inn hi ding hi. Keima tungah nangmah in nong piak khempeuh sawm-ah-khat nangʼ tungah kong piakik ding hi,” a ci hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

1 KHANG TANGTHU MASATE 22:9

En in, nangma sung panin tapa khat hong piang dinga, amah pen lungnopna a nei mi hi ding hi. Keimah in a kimkot a, a galte khempeuh panin ama tungah lungnopna ka pia ding hi; bang hang hiam cih leh ama min Solomon hi dinga, ama hun sungin Israel tungah lungnopna le daihna ka pia ding hi.

Late 72:7

Ama hun sungin thuman pung henla, khapi a bei mateng nopna om tahen.

Siampi Laibu 27:32

Bawng hon leh tuu le keel hon sawm-ah-khat khempeuh le a cing paʼ ciangkhut nuai-a a pai ganhing khempeuh sawm-ah-khat peuhmah Topa adingin a siangtho hi ding hi.

Micah 5:5

Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hat pen teng i sawl ding hi.

Gamlak-vakna 18:21

“Kikhopna buk sungah amauteʼ nasepna thaman dingin Israel sunga sawm-ah-khat khempeuh, Levi miteʼ tungah gamh-in ka pia hi.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

ROM (Romans) 3:26

Ahi zongin tu hun ciangin Jesu a um mi khempeuh Pasian tawh a kipawl theih nading le amah thuman ahihna a kilatsak nadingin mihingteʼ mawhna tawh kisai-in na hong sem hi.

Hebru 7:1

Abraham in a galsimna ah kumpite thatin gualzo-in a hong ciah ciangin A Lianpen Pasianʼ siampi ahih banah Jerusalem khua kumpi zong ahi Melkhizedek in Abraham na dawnin thupha a pia hi.

Hebru 7:3

Melkhizedekʼ pa le a nu a kipanin a suahna thu, a sihna thu le a khang tangthu peuhmah a kiciaptehna om lo ahih manin Pasianʼ Tapa tawh a kibang hi a, siampi mah hi tawntung paisuak hi.

1 SAMUEL MASA 8:15

Amah in na an le na leenggahte uh sawm-ah-khat la-in ama uliante le ama nasemte tungah pia ding hi.

1 SAMUEL MASA 8:17

Amah in na tuuhonte uh sawm-ah-khat la dinga, note pen ama sila na hi ding uh hi.