Hebru 7:19 - Tedim Bible Revision 2017

¹⁹ Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

Tedim Bible

¹⁹ Ahih hangin tua sang a phazaw lametna thu hong piangsak hi. Tua lametna tawh eite in Pasian i nai thei hi.

Hebru 7:19 Iomraidhean Croise

Late 73:28

Ahih hangin kei adingin Pasianʼ kiangah om ding a hoih ahi hi. Na sepnate khempeuh ka gen theih nadingin Topa Pasian kong bel hi.

Kah la 3:57

Na hong dawng a, a lau lo dingin thu nong pia hi.

Johan 1:17

Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Sawltak 13:39

Tua tham loin Jesu a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

ROM (Romans) 7:7

Tua ahihleh Thukham mahmah pen a siahuai ahi hiam? A sia hi lo hi. Mawhna bang hiam cih Thukham in hong theitelsak hi. Thukham in, “Hazatna lungsim nei kei in,” ci-in gen lo hileh, haza i cih bang ahi hiam, ci-in ka thei kei ding hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Galati 2:16

Ahi zongin Jesu Khris upna hang bek tawh Pasian tawh kipawl theihna kingahin, Thukham zuihna hang tawh kingah ngei lo hi, ci-in ka thei uh hi. Kote mahmah in zong, Khris hangin Pasian tawh ka kipawl theih nadingun Jesu Khris ka um uh a, Thukham deihna ka zuihna hang uh tawh hi lo hi. Bang hang hiam cih leh Thukham zuihna hang tawh kuamah in Pasian tawh kipawl theihna ngah zo lo hi.

Galati 3:21

Tua ahihleh Thukham le Pasianʼ thuciamnate a kilehngat ahi uh hiam? Hi het lo hi. Mihingte tungah hong kipia Thukham in nuntakna taktak hong pia thei hileh tua Thukham zuihna hangin mi khempeuh in Pasian tawh kipawl theihna ngah ding uh hi.

Galati 3:24

Tua hi a, i upna hangin Pasian tawh kipawl theihna i ngah nadingin Khris a hong pai hun ciang dong, Thukham in eite a hong uk ahi hi.

Efesa 3:12

Amah tawh i kipawlna le amah i muanna hangin kimuang takin Pasian kiangah pai theih nading hun i nei hi.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

1 TIMOTI MASA 1:1

Eite a hong Hon Pasian le eiteʼ lamet Khris Jesuʼ thupiakna tawh Khris Jesuʼ sawltak ahi keimah Paul in,

Hebru 10:1

Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 11:40

Bang hang hiam cih leh Pasian in eite adingin a hoih zaw-in thu hong vaihawmsak a, amaute tawh eite i kikop ciangin amaute a cingtaak ahih theih phing nading uh Pasianʼ geelna ahi hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

Hebru 6:18

Tua hi a, a kikheel thei lo thu nih kithuap ahih manin Pasian in zuaugen thei lo ding hi. Tua hi a, amah a beel eite in eite mai ah hong kikoih lametna thu kip takin i let cip nadingin i tha hong nuamsak hi.

Hebru 7:11

Israel mite in Leviʼ suanlekhak siampite tungtawnin Thukham ngah uh hi. Leviʼ suanlekhak siampiteʼ nasepna kicingtaak hileh Melkhizedek siampi nam zui-in siampi namdang a pian ding kisam nawn lo dinga, Aaron gui zui-in siampi om sa a kimang pah ding ahi hi.

Hebru 7:20

Tua banah Pasianʼ kiciamna zong hong om lai hi. Midangte siampi-in a kibawl laitakin tua bang kiciamna na om lo hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Hebru 8:6

Tua ahih manin Pasian le mite kikalah Jesu in a bawl thuciamna pen na a hoih zaw piak nading thuciamna ahih mah bangin Jesu tungah a kipia siampi nasep pen siampi dang khempeuhteʼ sep sangin a lian zaw ahi hi.

Hebru 9:9

Hih bang om zia pen tu hun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia miteʼ lungsim siangsak zo lo hi.

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.