Hebru 7:16 - Tedim Bible Revision 2017

¹⁶ Amah pen mihingteʼ bawl ngeina zui-in siampi a suak hi lo a, a si thei lo nuntak tawntungna vang tawh siampi a suak ahi hi.

Tedim Bible

¹⁶ Tua siampi in pum tawh kipawl ngeina thu bang hi loin, a nungta tawntung vangliatna bangin kikoihin a om hi.

Hebru 7:16 Iomraidhean Croise

ROM (Romans) 7:14

Thukham pen i kha thu tawh kisai hi, ci-in i thei hi. Ahi zongin kei pen leitung pumpi tawh a nungta mi ka hi a, mawhna thu mangin a sal a suak ka hi hi.

Galati 4:3

Tua mah bangin eite zong kha thu ah i neu lai hun sungteng huihlak a uk vangneiteʼ khutnuai ah a om ihi hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Kolose 2:14

Eite adingin a hoih lo, i mawhna a kiciaptehna khempeuh, hong phiatsak a, tuate khempeuh singlamteh tungah kilhcipin a beisak ta hi.

Kolose 2:20

Khris tawh si khawm khin na hih manun huihlak a ukteʼ khut sung panin a suakta khin na hi uh hi. Tua hi napi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Hebru 10:1

Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 7:15

Melkhizedek tawh a kibang siampi namtuam khat hong pian ciangin hih thu hong kitel pha semsem hi.

Hebru 7:17

Bang hang hiam cih leh Lai Siangtho in, “Melkhizedek nam bangin tawntung siampi na hi hi,” na ci hi.

Hebru 7:21

Ahi zongin Pasian in Jesu kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesu siampi a na suak ahi hi.

Hebru 7:28

Moses Thukham in siampi lianpen a sem dingin cingtaakna a nei thei lo mihing mah na seh a, ahi zongin tua Thukham nungah a hong piang Pasianʼ thuciamna in a tawntungin a cingtaakin a kibawl Tapa, Siampi Lianpen dingin kiciamna tawh a na seh hi.

Hebru 7:3

Melkhizedekʼ pa le a nu a kipanin a suahna thu, a sihna thu le a khang tangthu peuhmah a kiciaptehna om lo ahih manin Pasianʼ Tapa tawh a kibang hi a, siampi mah hi tawntung paisuak hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.