Hebru 7:14 - Tedim Bible Revision 2017

¹⁴ I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.

Tedim Bible

¹⁴ Bang hang hiam na cih uh leh, eite Topa in Judah pawl sung pan hong piang hi ci-in a kilang hi. Tua pawl thu-ah siampite thu Moses in kam khat beek a gen kei hi.

Hebru 7:14 Iomraidhean Croise

Piancilna 46:12

Judahʼ tapate: Er, Onan, Shelah, Perez le Zerah ahi hi. (Ahih hangin Er le Onan Kanaan gamah si hi.) Perezʼ tapate: Hezron le Hamul ahi hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Isaiah 11:1

Jessiʼ phung sung panin a sel khat hong khang khia dinga, a zungte panin a no khat hong khang ding hi.

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Gamlak-vakna 24:17

Amah ka mu hi; ahih hangin tu nai hun hi lo hi: Jakob sung pan aksi khat hong suak khia dinga, Israel sung pan kumpi ciangkhut hong piang ding hi. Tua in Moab thaltang satkham dinga, Shethʼ suante khempeuh su gawp ding hi.

Luka 1:43

Ka Topaʼ nu kei kiangah hong hawh nadingin, bang hangin hih bang thu lian kei tungah hong tung ahi hiam?

Luka 3:33

Nahshonʼ pa Amminadab, Amminadabʼ pa Admin, Adminʼ pa Hezron, Hezronʼ pa Perez, Perezʼ pa Judah,

Johan 20:13

Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai ah koih ahi uh hiam, cih ka thei kei hi,” ci-in a dawng hi.

Johan 20:28

Thomas in zong, “Ka Topa, ka Pasian!” ci-in a dawn ciangin

ROM (Romans) 1:3

Tua thu pen eiteʼ Topa Jesu Khris ahi ama Tapaʼ thu ahi hi. Tua Tapa pen leitung si le sa lam panin Davidʼ suan hi a,

ROM (Romans) 2:3

Midangte a mawhna hangin thu khenin, no zong tua amau mawhnate mah na bawl veve uh ciangin Pasianʼ thukhenna tawh kipelh tuan dingin ki-um peuhmah na hi uh hiam?

Efesa 1:3

Khris tawh eite i kipawlna hangin vantung gam panin kha tawh kisai letsong namkim hong pia ahih manin eiteʼ Topa Jesu Khrisʼ Pa ahi Pasian tungah i lungdamna ko ciat ni.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Hebru 7:13

Hih bang thute a kigenna i Topa pen a namtuam khat hi a, ama phung sung panin biakna tau ah siampi na a sem khat beek om lo hi.

Hebru 7:15

Melkhizedek tawh a kibang siampi namtuam khat hong pian ciangin hih thu hong kitel pha semsem hi.

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.

Mangmuhna 5:5

Tua laitakin upate khat in kei kiangah, “Kap kei in. Judah minam sung panin Humpinelkai, David suan sung panin a lianpa gualzo khinta a, tua laizial ciaptehna sagihte la khia-in a laizial phel thei ding hi,” a hong ci hi.