Hebru 7:13 - Tedim Bible Revision 2017

¹³ Hih bang thute a kigenna i Topa pen a namtuam khat hi a, ama phung sung panin biakna tau ah siampi na a sem khat beek om lo hi.

Tedim Bible

¹³ Tua thu genkholhna tawh kipawl mi in biakna tau-ah khatvei beek na a sem ngei lo pawl sung pan a piang hi.

Hebru 7:13 Iomraidhean Croise

Gamlak-vakna 16:40

Topa in Moses tungtawnin Eleazar tungah a gen bangin Korah le a pawlte tawh a kibang kha lo dingin, siampi ahi lo, Aaronʼ suanlekhakte ahi lo mi peuhmah, Topaʼ mai ah paknamtui hal dingin a pai loh nading, Israel mite tungah phawksakna khat ahi hi.

Gamlak-vakna 17:5

Keimah in ka teel mipaʼ ciangkhut hong sel ding hi. Amaute in nang hong phunsanna, Israel miteʼ phunna tua bangin keiʼ kiang panin ka beisak ding hi,” a ci hi.

Hebru 7:11

Israel mite in Leviʼ suanlekhak siampite tungtawnin Thukham ngah uh hi. Leviʼ suanlekhak siampiteʼ nasepna kicingtaak hileh Melkhizedek siampi nam zui-in siampi namdang a pian ding kisam nawn lo dinga, Aaron gui zui-in siampi om sa a kimang pah ding ahi hi.

Hebru 7:12

Siampi nam kikheel ahih manin a thukham zong a kikheel ding kisam hi.

Hebru 7:14

I Topa pen Judah suan sung panin a piang ahih manin Moses in siampi thu a na gen ciangin hih Judah minam genin na nei lo hi.