Hebru 7:11 - Tedim Bible Revision 2017

¹¹ Israel mite in Leviʼ suanlekhak siampite tungtawnin Thukham ngah uh hi. Leviʼ suanlekhak siampiteʼ nasepna kicingtaak hileh Melkhizedek siampi nam zui-in siampi namdang a pian ding kisam nawn lo dinga, Aaron gui zui-in siampi om sa a kimang pah ding ahi hi.

Tedim Bible

¹¹ Lam khat panin, Levi’ suan siampi pawlte tawh kizomin mite in Thukham a ngah uh ciangin tua mi pawlte hangin kicin’na a om leh, adang siampi in Aaron’ pawl bangin kisam loin Melkhizedek’ pawl hong pian’ nading thu bang hangin om lai ding ahi hiam?

Hebru 7:11 Iomraidhean Croise

Galati 2:21

Hih bang ka gen ciangin Pasianʼ hehpihna thupha ka deih lohna ahi kei a, Thukham zuih zawhna hangin Pasian tawh kipawl theihna om hileh, singlamteh tungah Khris sihna a mawkna hi lel ding hi, a ci nuam ka hizaw hi.

Galati 4:3

Tua mah bangin eite zong kha thu ah i neu lai hun sungteng huihlak a uk vangneiteʼ khutnuai ah a om ihi hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Hebru 5:10

Melkhizedek gui zui-in siampi lianpen dingin Pasian in a bawl hi.

Hebru 5:6

Mun dang khat ah zong, “Melkhizedek siampi gui zui-in a tawntungin siampi na hi ding hi,” na ci lai hi.

Hebru 6:20

Tua lai munah eiteʼ tangin Jesu na ma tun khinta a, siampi Melkhizedek gui zui-in a om tawntung ding siampi lianpen a suak hi.

Hebru 7:10

Bang hang hiam cih leh Melkhizedek in Abraham a na dawn laitakin Levi suak nai lo ahih manin a pupi Abrahamʼ sung mahah a om lai ahi hi.

Hebru 7:12

Siampi nam kikheel ahih manin a thukham zong a kikheel ding kisam hi.

Hebru 7:13

Hih bang thute a kigenna i Topa pen a namtuam khat hi a, ama phung sung panin biakna tau ah siampi na a sem khat beek om lo hi.

Hebru 7:15

Melkhizedek tawh a kibang siampi namtuam khat hong pian ciangin hih thu hong kitel pha semsem hi.

Hebru 7:21

Ahi zongin Pasian in Jesu kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesu siampi a na suak ahi hi.

Hebru 8:7

Thuciamna a masa kimang thei hileh thuciamna a nihna kisam nawn lo ding hi.

Hebru 9:6

Hih bang tengin a kibawl khit ciangin a dei pua nung sungah nisim a nasep uh a sem dingin siampite a lut hi.