Hebru 6:4 - Tedim Bible Revision 2017

⁴ A tawpkik khin sate a kisikkik nadingin kibawl zo lo hi. Pasianʼ khuavak sungah amaute om khinin, vantung nopna ciam khinin, Kha Siangtho ngah khinin,

Tedim Bible

^4-6 Bang hang hiam na cih uh leh, khatvei khuavakna tungin, vantung hehpihna ciamin, Kha Siangtho tawh a kizom ngei, Pasian’ thu hoih ahi zongin, a nung ciangin a tung ding huna vangliatnate ahi zongin a ciap khit ciangin a tawp kikte ahih uh leh, amaute ading Pasian’ Tapa singlamteh tungah that kikin a simmawh uh ahih ciangin, a nung ciangin kisikkik ding bawl thakna a tung zo kei uh hi.

Hebru 6:4 Iomraidhean Croise

Siampi Laibu 13:55

Siampipa in tua natna a banna pen a kisawp khit ciangin vel ding hi. Tua natna a banna mun a mel a kikheel kei leh, a natna a kizelh loh hangin tua pen a nin mah ahi hi. Tua natna pen a sung lamah ahi a, a pua lamah ahi zongin a baan leh mei sungah tua puan na hal ding uh hi.

Siampi Laibu 14:43

“Amah in a suangte la khia-in a inn kiatin a zut khit ciangin tua inn sungah natna hong suahkik leh,

Gamlak-vakna 24:3

amah in a thugen ding teng genin: “Beorʼ tapa Balaamʼ thugen, a mit in khua a mu thei mipaʼ thugen,

Mattiu 12:45

Tua ciangin va paikik a, amah sangin a siahuai zaw dawi sagih hong tunpihin tua mipa sungah a teeng uh hi. Tua ahih manin tua mipa pianzia pen a masa huna sangin a sia zaw hi. Tua ahih ciangin tu hun a migilote zong hih mipaʼ pianzia mah tawh kibang ding uh hi,” a ci hi.

Mattiu 5:13

“Note pen leitung mite adingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, miteʼ tuatcil gawp dingin kipaai lel hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kaang tum hi.

Johan 3:27

Johan in, “Pasian in hih theih nading thu pia kei leh kuamah in bangmah hih thei lo hi.

Johan 4:10

Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Johan 6:32

Jesu in, “A mantakin ci lehang: Moses in a piak an pen vantung an hi lo hi. Vantung an taktak pen ka Pa in hong pia hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Sawltak 11:17

Eite in Topa Jesu Khris i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasianʼ nasepna a khaktan zo dingin kei kua ka hi hiam?” ci-in a gen hi.

Sawltak 15:8

Mihingteʼ lungsim sung thu a thei Pasian in Gentail mite in zong thu a up theih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Sawltak 8:20

Ahi zongin Peter in, “Pasianʼ piakkhong na pen sum tawh lei theih dingin ngaihsun na hih manin na sum teng tawh si khawm in.

ROM (Romans) 1:11

Kha thu ah note na thahat theih nadingun Pasian in a hong piak thuphate hong genpih nuam ka hih manin note tawh kimuh ding ka ut mahmah hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

Galati 3:2

Thukham na zuihna hangun Pasianʼ Kha Siangtho ngah na hi uh hiam, ahih kei leh lungdamna thu za-in na upna hang uh hizaw ahi hiam?

Galati 3:5

Note in Thukham na zuihna hangun Pasian in Kha Siangtho hong pia-in nalamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

Efesa 2:8

Noteʼ upna hangin Pasianʼ hong hehpihna tawh hotkhiatna a ngah na hi uh hi. Noteʼ thalawhna hangin a ngah hi loin Pasianʼ hong piakkhong ahi hi.

Efesa 3:7

Tua lungdamna thuhilh a sem dingin Pasian in a tuam vilvelin ama vangliatna tawh kei a hong seh hi.

Efesa 4:7

Ahi zongin eite khempeuh in Khris hong piakna tawh kizui-in siamna a tuam khat ciat i ngah hi.

1 TIMOTI MASA 4:14

Kamsangteʼ thugennate le upate in na tungah a khut uh nga-in thu hong ngetsakna ahi nangma hih theih siamnate na valkhongsak kei in.

2 TIMOTI NIHNA 2:25

thunem tawh a langteʼ hoih lohna a puah theite hi ding hi. Tua bang hileh Pasian in amaute kisiksak thei dinga, thuman thutak hong thei-in,

2 TIMOTI NIHNA 4:14

Sikseek pa Alexander in kei tungah siatna lianpi hong bawl hi. Ama gamtatna tawh kizui-in Topa in thuk ding hi.

Hebru 10:32

A beisa hun a note tungah thupiangte phawkkik un. Pasianʼ khuavak sungah na om khit uh ciangin haksatna tampi thuak napi-in tuate na lel kei uh hi.

Hebru 2:4

Amauteʼ thugenna banah Pasian in vangliatna lim le nalamdang a tuamtuamte bawlna tawh hong gen beh lai hi. Tua banah ama hoihsak bangin Pasian in Kha Siangtho zong hong hawm lai hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama adingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna ahi lote ka cihna ahi hi. Ahi zongin sih nading zah ciang ahi mawhna om a, tuate ading ngetsak un, a ci ka hi kei hi.