Hebru 6:10 - Tedim Bible Revision 2017

¹⁰ Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Tedim Bible

¹⁰ Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Hebru 6:10 Iomraidhean Croise

Nehemiah 13:22

Tua ciangin Sabbath ni a siangtho-in a omsak theih nadingun amaute kisiansuah tawmin kongpite hong cin nadingun Levi mite ka sawl hi. Ka Pasian aw, hih thu ah zong hong phawk inla, na itna tawh kizui-in siatna panin kei hong pengsak in.

Nehemiah 13:31

Tua ciangin a kiseh hunin zat dingin cih ding sing tawh biakna le anpal tawh biakna ding ka vaihawmsak hi. Ka Pasian aw, a hoih lamin kei hong phawk in.

Nehemiah 5:19

Pasian aw, hih mite adingin ka bawlna khempeuh kei adingin a hoih lamin hong phawk in.

Late 20:3

Na biakpiaknate khempeuh amah in hong phawk henla, na meihal biakpiakna hong sang tahen!

Paikhiatna 1:20

Tua ahih ciangin Pasian in naudomte limbawl hi. Mite khangin pawl cing semsem uh hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Paunak 19:17

Mizawngte tungah a piate in Topaʼ tungah a pia hi a, Topa in a cingin amaute tungah lohkik ding hi.

Thuhilh-sia 11:1

Sum bawl nadingin na sumte zang in. Ni khat ni peuh teh a meet na ngah ding hi.

Jeremiah 18:20

Hoihna pen siatna tawh a kituak ding mah ahi hiam? Keimah hong siahna-in gum a to uh hi. Nangma mai ah kong dinga, amau ading thuhoih kong gen hi. Na hehna amaute tungah na tunsak loh nadingin ka hong ngetnate hong phawk in.

Jeremiah 31:16

Topa in kong cih in ah: “Kap nawn kei unla, na khitui uh nul un. Bang hang hiam cih leh Topa in kong cih in ah, na nasep thaman uh na ngah uh hi. Amaute galteʼ gam panin hong ciahkik ding uh hi.

Mattiu 10:42

Keima nungzui mi a neu pen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Mattiu 20:7

amaute in, ‘Kuamah in nasem dingin hong cial lo hi,’ ci-in a dawng uh hi. Tua ciangin amaute kiangah, ‘No zong leenggah lo ah va kuan un,’ a ci hi.

Mattiu 25:17

Tul nih a ngah pa in zong a meet tul nih mah a ngah thuah hi.

Marka 9:41

Khris pawl na hihna hangun tui hai khat hong suah mi peuhmah in thaman ngah hamtang ding ahihna phawk un,” ci-in Jesu in a gen hi.

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Sawltak 11:29

Tua lai-a om thu um mite in amau hih zawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hi ta un.

2 KORIN NIHNA 9:1

Judea gam a om Pasian mite huh nading tawh kisai-in lai kong gelh ding kisam nawn lo hi.

Galati 5:13

Sanggamte aw, note na hih uh leh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zang zaw un.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Thu-hilhkikna 32:4

“Eiteʼ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun noteʼ upna hangin na nuntak ziate uh, itna na neih manun nakpi takin na nasepnate uh le i Topa Jesu Khris hong paikik ding lametna na neih manun kip takin na omnate uh ka phawk tawntung uh hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

Hebru 10:32

A beisa hun a note tungah thupiangte phawkkik un. Pasianʼ khuavak sungah na om khit uh ciangin haksatna tampi thuak napi-in tuate na lel kei uh hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.