Hebru 5:7 - Tedim Bible Revision 2017

⁷ Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Tedim Bible

⁷ Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Hebru 5:7 Iomraidhean Croise

Late 22:24

Bang hang hiam cih leh amah in a thuak miʼ gimna simmawh bawl lo a, zong kihbawl lo hi. Ama kiang pan a mai seel lo a, ama tungah a koh ciangin, amah in a za hi.

Late 69:1

Pasian aw, hong hon in! Bang hang hiam cih leh tuikhang in ka ngawng ciang hong tuum ta hi.

Late 88:1

Topa, ka Pasian aw, sunin huhna kong ngen a, zan hun sungin nangma mai ah kong kiko hi.

Isaiah 49:8

Topa in ama mite kiangah, “Note hotkhiat ding hun a hong tun ciangin maipha kong pia dinga, huhna nong ngetna uh kong pia ding hi. Note hong kemin ka hong hu dinga, noteʼ tungtawnin mi khempeuh tawh thuciamna ka bawl ding hi. A kinusia na gam sung uh ah note kong teengsakkik ding hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Siampi Laibu 2:2

tua ciangin Aaronʼ suan siampite kiangah paipih ding hi. Tua ciangin siampipa in annel khut dim le sathau, a paknamtui khempeuh tawh la dinga, siampipa in hih pen Topa adingin a gim namtui, mei tawh biakna, phawkna-in biakna tau tungah hal ding hi.

Mattiu 27:46

Nitak nai thum hun pawl laitakin Jesu nakpi takin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi.

Mattiu 27:50

Tua ciangin Jesu nakpi takin kiko kikin a si ta hi.

Marka 15:34

Nitak nai thum laitakin Jesu nakpi takin kiko a, “Ka Pasian, ka Pasian aw, bang hangin kei hong nusia na hi hiam?” a cihna ahi, “Eloi, Eloi, lama sabakthani?” a ci hi.

Marka 15:37

Tua ciangin nakpi takin Jesu kiko-in a laitat hi.

Luka 23:46

Tua ciangin nakpi takin Jesu kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 11:35

Tua ciangin Jesu zong a kap hi.

Johan 11:42

Ka thungetna na hong ngaih tawntungna thu ka thei a, ahi zongin hih lai ah a om mite in kei na hong sawlna thu a up theih nadingun tu-a bangin kam a hong pau ka hi hi,”

Johan 17:1

Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Hebru 10:10

Pasianʼ deihna bangin Jesu Khris gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 10:5

Tua ahih manin leitungah Khris hong pai ciangin Pasian kiangah, “Ganhing le khawh sa tawh biakna na deih kei a, nang kong biak nadingin pumpi khat nong vaihawmsak hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

1 JOHAN MASA 4:3

Ahi zongin hih thu a nial mi peuhmah, Pasian Khaʼ sawlna tawh thugen hi lo uh hi. Hih bang mite pen Khrisʼ Gal hi a, hong pai ding hi, ci-in na zak sa uh mah bangin tu-in leitungah a hong om khinta ahi uh hi.

2 JOHAN NIHNA 1:7

Bang hang hiam cih leh leitungah midangte a khem tampi hong om ta a, tua mite in Jesu Khris, mihing banga hong paina thu a nial uh hi. Tua bang mite pen mi khemte hi a, Khrisʼ Gal ahi uh hi.