Hebru 5:4 - Tedim Bible Revision 2017

⁴ Tua bangin pahtawina a nei siampi lianpen nasep pen a sem dingte amau utthu tawh a kisehtawm mawk hi lo hi; siampi lianpen a sem dingin a mahmah a kisehtawm hi lo a, Aaron a kisap mah bangin Pasian in amah a seh ahi hi.

Tedim Bible

⁴ Pasian in Aaron a sap bangin a sap mite longal, kuamah in tua za a lian a la thei kei ding hi.

Hebru 5:4 Iomraidhean Croise

1 KHANG TANGTHU MASATE 23:13

Amramʼ tapate: Aaron le Moses ahi uh hi. Amah le a tapate in Topaʼ mai ah paknamtui a hal tawntung ding le ama na semin ama min tawh thupha a piak tawntung theih nadingin a siangtho pen nate a ap dingin Aaron kituam koih hi.

2 KHANG TANGTHU NIHNATE 26:18

Tua ciangin amaute in Kumpi Uzziah nialin ama kiangah, “Uzziah aw, Topaʼ tungah paknamtui hal ding nangma hih ding hi lo hi. Paknamtui hal dingin a ki-ap, Aaronʼ suan siampiteʼ hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nangʼ tungah pahtawina hong tun lo ding hi,” a ci uh hi.

Ezra 7:5

a pa Abishua, a pa Finehas, a pa Eleazar, a pa siampi lianpen pa Aaron:

Paikhiatna 28:1

“Tua ciangin keima tungah siampi na a sem dingin Israel mite lak panin na sanggampa Aaron le a tapate Nadab le Abihu, Eleazar le Ithamar, nangma kiangah la in.

Siampi Laibu 8:2

“Aaron le amah tawh a om a tapate, a puante, a nilh sathau, khialhna hanga biakna a bawngtal, a tuutal nihte le silngo sawh loh anlum lawh la inla,

Gamlak-vakna 16:10

le nang le na sanggamte ahi Leviʼ mite, ama kiangah hong paipihna hawmthawh lai na hi hiam? Siampi nasepna zong deih lai na hi hiam?

Gamlak-vakna 16:35

Tua ciangin Topaʼ kiang panin mei hong paikhia a, paknamtui a pia mi za nih le sawm ngate kaang tum hi.

Gamlak-vakna 16:40

Topa in Moses tungtawnin Eleazar tungah a gen bangin Korah le a pawlte tawh a kibang kha lo dingin, siampi ahi lo, Aaronʼ suanlekhakte ahi lo mi peuhmah, Topaʼ mai ah paknamtui hal dingin a pai loh nading, Israel mite tungah phawksakna khat ahi hi.

Gamlak-vakna 16:5

Korah le a pawlte khempeuh kiangah, “Zing ciangin Topa in a siangtho ahi mi, ama aʼ ahi mi hong lakin, ama kiangah paisak dinga, amah in a teel ding mipa ama kiangah paisak ding hi.

Gamlak-vakna 16:7

Zing ciangin Topaʼ mai ah tua beelte sungah mei koihin, mei tungah paknamtui koih unla, tua ciangin Topaʼ teel mi pen a siangtho hong hi ding hi. Leviʼ tapate aw, khengval lua uh teh!” a ci hi.

Gamlak-vakna 18:7

Nang le na tapate in biakna tau tawh kisai nate le dalna puan sunga om nate khempeuh ah na siampi nasep uh na sem ding uh hi. Na siampi nasep uh letsongin kong piak hi a, midangte in hong sep leh kithat ding hi,” a ci hi.

Gamlak-vakna 3:3

sathau a kinilh siampi, siampi za ah na a sem dingin a kikipsak, Aaronʼ tapateʼ minte ahi hi.

Johan 3:27

Johan in, “Pasian in hih theih nading thu pia kei leh kuamah in bangmah hih thei lo hi.