Hebru 4:9 - Tedim Bible Revision 2017

⁹ Tua ahih manin tu-a thu om zia ah ci lehang ni sagih ni-in Pasian a tawlngak mah bangin Pasianʼ mite a tawlngak nading om lai hi.

Tedim Bible

⁹ Tua ahih ciangin Pasian’ mite ading Nipi ni nopsakna a om lai hi.

Hebru 4:9 Iomraidhean Croise

Late 47:9

Uliante le Abrahamʼ Pasianʼ mite kipawl khawm uh hi. Bang hang hiam cih leh leitung miteʼ lumte khempeuh Pasian-aʼ suak khinta a, amah a sangpi-in kithangsak hi.

Paikhiatna 16:30

Tua ahih ciangin a ni sagih ni-in mite tawlnga uh hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Isaiah 57:2

Thutangin a gamta mite in a sihna uh ah nopna ngahin tawlnga uh hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 11:25

Tomno sung mawhna sungah nuam takin om ding sangin Pasianʼ mite tawh gimna thuak khawm ding a ut zaw hi.

Hebru 3:11

Ka heh manin ka kiciam a, ‘Ka tawlngakna munah hong pai-in kei tawh hong tawlnga khawm ngei lo ding uh hi,’ ka ci hi,” na ci hi.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lut lah na suahkhak loh nadingun lau-in kidawm ni.

Hebru 4:10

Bang hang hiam cih leh a nasepna panin Pasian a tawlngak mah bangin va pai-in Pasian tawh a tawlngate khempeuh zong a nasepna panun khawl ding uh hi.

Hebru 4:3

Ahi zongin eite ihih leh amah in, “Ka heh manin ka kiciam a, ‘Hih leitang ah hong lut lo ding uh a, ka tawlngakna munah hong pai-in kei tawh hong tawlnga khawm ngei lo ding uh hi,’ a cihte bang hi loin ei thu umte pen Pasian tawh a tawlnga khawm ihi hi. Leitung a piansak cil pek a kipanin a nasep a man khin hi napi-in tu-a bangin thu gen veve lai hi.

Hebru 4:8

Joshua in Pasianʼ tawlngakna munah mite tunpih khin hileh Pasian in a nidang khat thu nung gen nawn lo ding hi.

1 PETER MASA 2:10

Nidangin Pasianʼ mi na hih loh uh hangin tu-in ama mi na hi uh a, nidangin Pasianʼ hehpihna na theih loh uh hangin tu-in ama hehpihna na ngah uh hi.

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Mangmuhna 21:4

Amauteʼ mit panin khitui khempeuh nulsak ding hi. Thu lui sate maimang khinta ahih manin sihna, dahna le na sa a kahna cihte om nawn lo ding hi,” a ci hi.