Hebru 4:8 - Tedim Bible Revision 2017

⁸ Joshua in Pasianʼ tawlngakna munah mite tunpih khin hileh Pasian in a nidang khat thu nung gen nawn lo ding hi.

Tedim Bible

⁸ Bang hang hiam i cih leh, Joshua in tua mite nopsakna pia hi leh, tua nung ciangin a nidang ni thu Pasian in a gen kei ding hi.

Hebru 4:8 Iomraidhean Croise

1 KHANG TANGTHU MASATE 7:27

a tapa Nun, a tapa Joshua ahi hi.

Late 105:44

Amaute in ama ngeina kipte zui-in, ama thukhamte a neih theih nadingun, amah in amaute tungah minam dangteʼ leitang pia a, midangteʼ nasepna gahte zong amaute a ngahsak hi. Topa phat un.

Late 78:55

Amauʼ mai panin midangte hawl khia-in, amauteʼ luah ding neihsa hawmsak a, Israel minamte amauʼ buk sungah a tengsak hi.

Sawltak 7:45

Tua khit ciangin i pute in amauʼ pate tung panin a ngah uh tua puanbuk pen amauʼ ten nading gam a la dingin a kuan uh ciangin na pua uh a, Pasian in amauteʼ mai ah tua gam mite hawl khiatsak ahih manin tua gam a luah uh ciangin a puanbuk zong a na tunpih uh hi. Tua ahih manin Davidʼ hun ciang dong tua puanbuk na om hi.

Thu-hilhkikna 12:9

Bang hang hiam cih leh Topa na Pasian un note hong piak tawlngakna le luahna ah na tung nai kei uh hi.

Thu-hilhkikna 25:19

Tua ahih ciangin Topa noteʼ Pasian in noteʼ neih dingin gamh-in hong piak leitang tungah, Topa na Pasian un na kiim uh a na galte khempeuh panun tawlngakna hong piak ciangin, mun khempeuh panin Amalek mite a kiphawkna na phiatkhiat ding uh na mangngilh kei ding uh hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.

Hebru 4:9

Tua ahih manin tu-a thu om zia ah ci lehang ni sagih ni-in Pasian a tawlngak mah bangin Pasianʼ mite a tawlngak nading om lai hi.

Joshua 1:15

note hong piak bangin Topa in na sanggamte uh tungah tawlngakna pia-in, Topa na Pasian un amaute a piak leitang amaute in zong a luah mateng uh na huh ding uh hi. Tua ciangin noteʼ neih leitang ah ciahkikin, Topaʼ nasem Moses in Jordan gal ni a suahna lamah note hong piak leitang na luah ding uh hi,” a ci hi.

Joshua 11:23

Topa in Moses tungah a gen sa bangin Joshua in leitang khempeuh a la hi. Tua ciangin Joshua in amau minam tawh kizui-in a ngah ding bangin Israel mite tungah gamh-in a pia hi. Tua hun a kipan galdona panin tua gam a tawlnga hi.

Joshua 22:4

Tu-in Topa na Pasian un amaute tungah a ciam sa bangin na sanggamte uh tawlngakna pia hi. Tua ahih ciangin Topaʼ nasem Moses in note hong piak Jordan gal khat, noteʼ neihsa a omna leitang na inn uh ah note ciah un.

Joshua 23:1

Topa in amauʼ kiim a om gal khempeuh panin Israel mite tungah lungmuanna a piak khit a sawtpi ciangin Joshua teekin a kum tampi pha ta hi.