Hebru 4:5 - Tedim Bible Revision 2017

⁵ Hih thu mah na kigenkik a, “Ka tawlngakna munah hong pai-in kei tawh hong tawlnga ngei lo ding uh hi,” na cikik hi.

Tedim Bible

⁵ Tua Lai Siangtho sungah a om kik in: “Amaute in ka nopsakna sungah a tum thei kei ding uh hi,” ci-in a om hi.

Hebru 4:5 Iomraidhean Croise

Late 95:11

Tua ahih ciangin keima nopsakna munah amaute a lut lo dingin sin so kawmin ka kiciam hi.

Hebru 3:11

Ka heh manin ka kiciam a, ‘Ka tawlngakna munah hong pai-in kei tawh hong tawlnga khawm ngei lo ding uh hi,’ ka ci hi,” na ci hi.

Hebru 4:3

Ahi zongin eite ihih leh amah in, “Ka heh manin ka kiciam a, ‘Hih leitang ah hong lut lo ding uh a, ka tawlngakna munah hong pai-in kei tawh hong tawlnga khawm ngei lo ding uh hi,’ a cihte bang hi loin ei thu umte pen Pasian tawh a tawlnga khawm ihi hi. Leitung a piansak cil pek a kipanin a nasep a man khin hi napi-in tu-a bangin thu gen veve lai hi.