Hebru 4:4 - Tedim Bible Revision 2017

⁴ Lai Siangtho mun khat ah, “A ni sagih ni-in a nasepna khempeuh panin Pasian tawlnga hi,” ci-in ni sagihna thu tawh kisai na gen hi.

Tedim Bible

⁴ Ni sagih ni thu, Lai Siangtho sung mun khatah a genin, “Pasian in ama bawl na khempeuh a zawh khit ciangin, ni sagih ni-in tawhnga-in a om hi,” a ci hi.

Hebru 4:4 Iomraidhean Croise

Paikhiatna 20:11

Bang hang hiam cih leh a ni guk sung tengin Topa in vanlelei, tuipi le tuate sunga om khempeuh bawl a, a ni sagih ni tawlnga hi. Tua ahih ciangin Topa in Sabbath ni thupha pia-in siangthosak hi.

Paikhiatna 31:17

Ni guk sungteng Topa in vanlelei bawlin, a ni sagih ni-in amah tawlnga a, a tha dimsakkik hi. Keimah le Israel miteʼ kikalah hih Sabbath ni pen lim khat hi tawntung ding hi, ci hi,’ ci in,” a ci hi.

Thu-hilhkikna 5:14

Ahih hangin a ni sagih ni pen Topa noteʼ Pasianʼ Sabbath ni ahi hi. Tua ni-in note bangin na nasem numei le na nasem pasalte uh a tawlngak theih nadingin note, na tapate, na tanute, na nasem nute, na nasempate, na bawngtal, na la, na ganhing khat peuhpeuh uh le na huang sung uh a om zinte in na khat peuhpeuh sem lo ding uh hi.

Hebru 2:6

Lai Siangtho mun khat ah a kigenna ah, “Pasian aw, nangma ngaihsut tham dingin mi pen bang hi a, na phawk tham dingin mihingʼ ta bang hi lel ahi hiam?

Hebru 4:10

Bang hang hiam cih leh a nasepna panin Pasian a tawlngak mah bangin va pai-in Pasian tawh a tawlngate khempeuh zong a nasepna panun khawl ding uh hi.