Hebru 4:3 - Tedim Bible Revision 2017

³ Ahi zongin eite ihih leh amah in, “Ka heh manin ka kiciam a, ‘Hih leitang ah hong lut lo ding uh a, ka tawlngakna munah hong pai-in kei tawh hong tawlnga khawm ngei lo ding uh hi,’ a cihte bang hi loin ei thu umte pen Pasian tawh a tawlnga khawm ihi hi. Leitung a piansak cil pek a kipanin a nasep a man khin hi napi-in tu-a bangin thu gen veve lai hi.

Tedim Bible

³ A um eite in Pasian’ nopsakna sungah i tum hi. Tua bang a genna in: ‘“Amaute in ka nopsakna sungah a tum thei kei ding uh hi,’ ci-in hehin ka kiciam hi,” a ci hi. Ahih hangin Pasian in a cil panin a na khempeuh a zo khin hi.

Hebru 4:3 Iomraidhean Croise

Piancilna 1:31

Pasian in a bawl sa khempeuh en a, hoih sa mahmah hi. Nitak hong bei-in zingsang hong tunga, a ni guk ni ahi hi.

Late 95:11

Tua ahih ciangin keima nopsakna munah amaute a lut lo dingin sin so kawmin ka kiciam hi.

Paikhiatna 20:11

Bang hang hiam cih leh a ni guk sung tengin Topa in vanlelei, tuipi le tuate sunga om khempeuh bawl a, a ni sagih ni tawlnga hi. Tua ahih ciangin Topa in Sabbath ni thupha pia-in siangthosak hi.

Isaiah 28:12

Topa in note tungah tawlngakna le lungnopna hong pia napi-in, note in ama thu na ngai kei uh hi.

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Ezekiel 20:38

Note lak panin a lehdo thei mite le kei tungah hong mawh mite ka la khia ding hi. Tu laitakin a om pakna uh gam panin ka la khia dinga, ahi zongin Israel gamah ka ciahsakkik kei ding hi. Tua ciangin Topa ka hihna thu na thei ding uh hi,” a hong ci hi.

Mattiu 13:35

Hih bangin thu gentehna a zatna pen kamsang Isaiah in, “Thu gentehna zangin thu ka gen dinga, leitung piancil a kipan a kithei lo thute ka gen ding hi,” ci-in a gen kholhsakna thu a tun nading ahi hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Efesa 1:4

Ama mai ah eite pen paubaanna a nei lo, mi siangthote ahi ding le Khris hangin ama mite ahi dingin leitung a pian mapek nangawnin Pasian in a hong teel sa ihi hi.

Hebru 3:11

Ka heh manin ka kiciam a, ‘Ka tawlngakna munah hong pai-in kei tawh hong tawlnga khawm ngei lo ding uh hi,’ ka ci hi,” na ci hi.

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

1 PETER MASA 1:20

Pasian in hih bang dingin leitung pianmapekin Khris a teel sa hi a, note a hong khualna-in tu hun nunung ciangin Pasian in note kiangah amah a hong lak khia pan ahi hi.