Hebru 4:13 - Tedim Bible Revision 2017

¹³ Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Tedim Bible

¹³ Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Hebru 4:13 Iomraidhean Croise

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo miteʼ tangin ama vangliatna a lak dingin Topaʼ mit in leitung khempeuh en kawikawi hi. Hih thu ah na hai gamtat khin hi; bang hang hiam cih leh tu a kipan gal na do ding hi,” a ci hi.

2 KHANG TANGTHU NIHNATE 6:30

na teenna mun vantung panin za inla, maisakin, amauʼ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihingʼ lungsim na thei hi).

JOB (Job) 26:6

Pasianʼ muhna ah misiteʼ gam kilang sinsen a, a muh theih loh nadingin a liah bangmah om lo hi.

JOB (Job) 34:21

Pasian in mihingteʼ gamtatna khempeuh hong encik a, i kalsuanna themno dongin hong mu khin hi.

JOB (Job) 38:17

Misiteʼ gam khuamial kongkhakpi, mi khatpeuh in nang hong lak ngei ahi hiam?

Late 139:4

Topa aw, kam khat bek nangawn ka paukhiat ma-in, nangmah in ka gen ding teng a vekpi-in na thei khin hi.

Late 44:21

Pasian in hih thu mu khia lo ding ahi hiam? Bang hang hiam cih leh amah in lungsim thusim a thei hi.

Late 7:9

Lungsim le ngaihsutna a en a thuman Pasian aw, migiloteʼ siatna beisak inla, mi thumante kipsak in.

Late 90:8

Nangmah in ka mawhnate uh na mai ah na koih a, ka khialh simnate uh na maitang ah na koih hi.

Paunak 15:11

Sihna gam sungah a omte nangawn Pasian in mu ahihleh, mihingteʼ ngaihsutna tel muh zaw kan ding hi lo ahi hiam?

Paunak 15:3

Topaʼ mit in mun khempeuh mu a, misia, mipha, hong encik kim hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuh ah nang hong en kawikawi hi.

Thuhilh-sia 12:14

A pha hitaleh a sia hitaleh a simthamin ihih simte nangawn ihihna khempeuh ah Pasian in thu hong khen ding hi.

Jeremiah 16:17

Bang hang hiam cih leh a om dan khempeuh uh ka mitin ka mu a, keiʼ kiang panin a kiseel bangmah om lo hi. A khialhna khempeuh uh zong ka mu hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Jeremiah 23:24

Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

Jeremiah 29:23

Bang hang hiam cih leh amaute, Israel gamah hai gamtat uh hi: A inn veengteʼ zite mawhpih uh a, thu ka piak lohpi ka min tawh zuau thu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Daniel 2:22

Amah in thuthukpite le thusimte a lak khia hi. Amah in khuamial sunga kiseelte thei a, khuavak in amah a umcih hi.

Mattiu 6:4

kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Johan 2:24

Ahi zongin Jesu in mi khempeuh limtakin thei tel ahih manin amaute muang lo hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Johan 4:16

Tua ciangin Jesu in, “Va ciahin na pasal va sam inla, hih lai ah hong paikik un,” a ci hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesu Khris thu a khensak Ni ciangin, tu-a kong gen bang teekteekin a hong piang ding ahi hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

2 KORIN NIHNA 5:10

Bang hang hiam cih leh Khris mai ah thusitna a thuak dingin eite khempeuh a kilak ding ihi a, leitung i pumpi-in i om lai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingteʼ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.