Hebru 4:12 - Tedim Bible Revision 2017

¹² Pasianʼ thu nungta-in a gamtang hi a, lang nih a hiam namsau sangin hiam zaw lai hi. Kha le lungsim, guh le taang kituahna, guh le guhngek dongin khen khia thei hi. Mihingteʼ lungsim ngimna le a ngaihsutnate zong theithei hi.

Tedim Bible

¹² Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

Hebru 4:12 Iomraidhean Croise

Late 110:2

Topa in Zion panin na kumpi ciangkhut hong puak hi. Na galteʼ tungah uk in.

Late 119:130

Na thute gentelna in khua vaksak a, thu thei lote tungah thu theihtelna a guan hi.

Late 139:2

Nangmah in ka hek sukna, ka hek tohnate na thei hi. Nangmah in ka ngaihsutnate gamlapi pek panin na thei hi.

Late 149:6

Minam dangte tungah phu la-in gim a pia ding, a kumpite uh sikkhau tawh henin a mi liante uh sikkol a bulh ding, a kigelh sa thukhenna bangin amaute tungah a sem khia dingin lang nih a hiam namsau a tawi kawmun Pasian phatin awng ta uh hen. Hih pen Pasianʼ miteʼ gualzawhna ahi hi. Topa phat un.

Late 45:3

Vanglian kumpipa aw, na minthanna le na liatna tawh na namsau kuah in.

Paunak 5:4

a tawpna ah lungkhamna le natna sim loh nangma tungah bangmah dang hong guan lo hi.

Thuhilh-sia 12:11

Mipilteʼ thugente pen tuucingte in tuu hawlna-in a zat ciangkhut hiam tawh kibang hi. Tua thute pen eite khempeuh tuucin bangin a hong Cing Pasianʼ piak ahi hi.

Isaiah 11:4

Thumanna tawh mizawngteʼ thu khenin, lungsim nem miteʼ thu ahi bangin khensak ding hi. Ama kam panin a thupiakna tawh leitung mite gim kipia dinga, a muk panin a thugenna tawh migilote si ding uh hi.

Isaiah 49:2

Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiam sa-in zat pah dingin a thallawng sungah kei hong koih hi.

Isaiah 55:11

keima kam panin a paikhia ka thu zong tua mah bang ding hi. A hawmpi-in kei kiangah hong tungkik lo dinga, keima ngimna sa bangin tangtungsakin, amah ka sawlna thu tangtun ding hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Jeremiah 23:29

Ka kammal pen mei tawh ahi a, suangtum a satnen zo sek tawh ahi zongin kibang hi lo ahi hiam, Topa in kong ci hi.

Luka 8:11

Tua ciangin Jesu in, “Thu gentehna a khiatna pen hih bang ahi hi: Khaici pen Pasianʼ thu hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Sawltak 2:37

Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Sawltak 7:38

Amah pen Israel mite tawh gamlak ah a om pa hi a, Sinai Mual tunga ama kiangah thu a gen vantungmi le i pute tawh a kikhawl pa ahi hi. Eite tungah hong gen sawn dingin Pasian kiang panin a tul ngei lo thu a ngah ahi hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a hon khia zo Pasianʼ vangliatna ahi hi.

1 KORIN MASA 1:24

Ahi zongin Pasian in a hong sap ei Jew mite le Gentail mite adingin Khris pen Pasianʼ vangliatna le Pasianʼ pilna ahi hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

2 KORIN NIHNA 4:2

Ka thuhilhna uh ah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang het kei uh hi. Pasian muhna ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

Efesa 5:13

Na khat peuhpeuh khuavak ah pusuah lehang a pianzia man taktak hong kilang hi.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

Efesa 6:17

Sik lukhu khuk bangin hotkhiatna nei unla, Kha Siangtho in a hong piak Pasianʼ thu pen namsau zat bangin na zang un.

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.

Hebru 13:7

Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Hebru 6:5

Pasianʼ thu a hoihna phawk khinin, a hong tung ding vangliatna thu zong thei khin uh ahih manin,

Jeim 1:18

Ama piansakte khempeuh lakah eite a masa pen i suah theih nadingin thuman thutak zangin ama utthu tawh eite a hong piangsak tawm ahi hi.

1 PETER MASA 1:23

A si thei nu le pate sung pan hi loin a si thei lo nu le pate sung panin a nungta tawntung Pasianʼ thu tawh naungek bangin a suakkik na hi uh hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Mangmuhna 19:15

Minam dangte a zawh gawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasianʼ heh mahmahna tawh leenggah cilna ah leengtui a suk khia ding hi.

Mangmuhna 19:21

Sakol tungah a tuang paʼ kam panin a hong pusuak namsau in amauteʼ galkap khempeuh that lum khin a, vasate khempeuh in a nek zawh zahzahun amauteʼ sa a ne uh hi.

Mangmuhna 2:16

Tua ahih manin na mawhna panun kisikkik un. Na kisik kei uh leh note kiangah kei hong pai baihin, ka kam panin a pusuak namsau tawh amaute ka do ding hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.

Thukhente 3:16

Ehud in ama adingin lang nih a hiam, pi khat le alang a sau namsau khat bawl a, a puannuai a taklam phei tungah tua namsau a khih hi.