Hebru 4:1 - Tedim Bible Revision 2017

¹ Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lut lah na suahkhak loh nadingun lau-in kidawm ni.

Tedim Bible

¹ Tua ahih ciangin Pasian’ nopsakna sungah tum zawh nading thu hong kiciamna in eite ading a om lai napi-in, note lakah khat peuhmah in a phak zawh loh khak ding lung hihmawhhuai hi.

Hebru 4:1 Iomraidhean Croise

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Paunak 28:14

Topa a zahtak tawntungte pen mi nuamsa hi a, a lungkhauh mite in lungkhamna tuak ding uh hi.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtak nading uh lungsim ka guan ding hi.

Gamlak-vakna 14:34

Na gam vaan sung uh ni phazah tawh kizui-in, ni sawm li, ni khat ciangin kum khat, note in na mawhna uh kum sawm li sung na thuak ding uh a, keima lungkim lohna na thei ding uh hi,’ ci hi.

Mattiu 24:48

Ahi zongin tua nasem pa nasem hoih lo hi henla, a lungsim sungah, ‘Ka topa hong ciah hak ding hi,’ ci-in,

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

ROM (Romans) 11:20

Tua pen thuman ahi hi. Amaute in a up lohna hangun a kisat khia hi a, note in na upna hangun amauteʼ munah a om na hi uh hi. Tua ahih manin kiphatsakna lungsim nei kei unla, lamdangsakna tawh om khikhe zaw un.

ROM (Romans) 3:23

Mi khempeuh mawh ciat uh a, a hong hon khia Pasian tawh kigamla uh hi.

1 KORIN MASA 10:12

Lungkip takin ka om zo hi, ci-in a kingaihsun mite a puk khak loh nadingun kikem uh hen.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

Galati 5:4

Thukham zuihna hangin Pasian tawh kipawl theih nading a hanciamte pen Khris tawh a kikhen na hi uh a, Pasianʼ hehpihna in note hong huam thei lo hi.

2 TIMOTI NIHNA 2:13

Amah le amah kikhem thei lo ahih manin eite i citak kei zongin amah citak veve ding hi,” ci-in a kigenna thu man mahmah hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Hebru 13:7

Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Hebru 3:11

Ka heh manin ka kiciam a, ‘Ka tawlngakna munah hong pai-in kei tawh hong tawlnga khawm ngei lo ding uh hi,’ ka ci hi,” na ci hi.

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 4:9

Tua ahih manin tu-a thu om zia ah ci lehang ni sagih ni-in Pasian a tawlngak mah bangin Pasianʼ mite a tawlngak nading om lai hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.