Hebru 3:9 - Tedim Bible Revision 2017

⁹ Na pu na pate un kum sawm li sung ka nasepnate mu napi-in kei hong ze-et veve uh hi.

Tedim Bible

⁹ Na pu na pate un kum sawmli sung ka nasepnate mu napi-in kei hong ze-et veve uh hi.

Hebru 3:9 Iomraidhean Croise

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Paikhiatna 20:22

Topa in Moses kiangah, “Nangmah in Israel mite tungah hih bangin na gen ding hi: ‘Vantung panin note kong hopihna note mahmah in na thei khin uh hi.

Amos 2:10

No ka mihingte, Egypt gam pek panin hong paikhiat pihin, gamlak ah kum sawm li sung kong makaih a, note adingin Amor miteʼ gam kong pia hi.

Gamlak-vakna 14:33

Na luanghawmte uh a nunung pen gamlak ah a kisial mateng, gamlak ah kum sawm li sung na tate uh tuucing hi ding uh a, noteʼ ginat lohna thuak ding uh hi.

Luka 7:22

Tua ahih manin Johanʼ kamtaite kiangah, “Va ciahkik unla, na muh sa uh le na zak sa uh thute khempeuh Johan kiangah va gen un. Mittawte in khua mu thei a, khebaite lam pai thei a, miphakte damkik a, bilngongte in khua za theikik a, misite kihingsakkik a, mizawngte tungah Lungdamna Thu kihilh hi.

Sawltak 13:8

Ahi zongin tua mitphial siampa Elymas (a Grik min) in Barnabas le Saul na nial a, gam ukpa in Pasianʼ thu a up theih loh nadingin a na hanciam hi.

Sawltak 7:36

Amah in Egypt gam le San Tuipi ah lim le nalamdangte bawlin, Egypt gam panin Israel mite paikhiatpih a, gamlak ah kum sawm li sung amaute a makaih hi.

Thu-hilhkikna 11:7

Bang hang hiam cih leh Topaʼ hih sa a nasepna a liante khempeuh na mitte un mu khin hi.

Thu-hilhkikna 29:2

Moses in Israel-te khempeuh samin amaute kiangah, “Egypt gam sung noteʼ mit muh ah, Topa in Faroʼ tung le ama nasemte khempeuh le ama gam khempeuh ah a bawlna,

Thu-hilhkikna 4:3

Na mit un Baalpeor ah Topaʼ hihna mu khin hi; bang hang hiam cih leh na Pasian un noteʼ lak panin Peor-a Baal a zui mi khempeuh susia a,

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.

Thu-hilhkikna 8:4

Hih kum sawm li sung noteʼ tunga om na puan uh sia loin, na khe uh zong bawk lo hi.

Joshua 23:3

Noteʼ hangin Topa na Pasian un hih minam dangte khempeuh tungah a bawlnate na mu khin uh hi. Bang hang hiam cih leh note adingin hong dosak pa pen Topa na Pasian uh ahi hi.

Joshua 24:7

Kei tungah amaute hong kiko uh ciangin amaute le Egypt mite kikalah khuamial ka koih a, Egypt mite tungah tuipi luangsakin amaute ka tuumsak hi. Egypt tungah ka bawlna na thei uh a, sehnel gam sungah sau veipi na om uh hi.

Joshua 5:6

Bang hang hiam cih leh amaute in Topaʼ thu a ngaih lohna hangun Egypt panin a hong paikhia minam bup, galhang mite a sih khit dong kum sawm li sung sehnel gamah Israel mite lam pai uh hi. Topa in amauʼ tungah a piak dingin a pu a pate tungah a ciam sa bawngnawi le khuaizu tui bangin a luanna leitang a muhsak loh nading thu amaute tungah Topa kiciam hi.