Hebru 3:7 - Tedim Bible Revision 2017

⁷ Tua ahih ciangin Lai Siangtho sungah, “Tu ni-in Pasianʼ aw na zak uh leh

Tedim Bible

^7-9 Tua ahih ciangin Kha Siangtho in a gen mah bangin “Tuni-in ama aw na zak uh leh, na lungsim uh na khuahsak kei un. Keimah hong dong hong ze-etin, Keima hih theih nate, kum sawmli tawntung mu-in, gampa lakah kei tawh kilem lohna bawlin, hong hehsak huna a om bangin om kei un.

Hebru 3:7 Iomraidhean Croise

2 SAMUEL NIHNA 23:2

“Topaʼ kha in kei tungtawnin thu hong gen a, ka kam sungah ama thugente om hi.

Late 81:11

“Ahih hangin ka mite in keima thu hong ngai lo uh a, Israel-te in keima thu themkha zong zui lo uh hi.

Late 81:13

Ka mite in ka thu hong ngai-in, keima deih bangin Israel a gamta hileh!

Paunak 27:1

Zing ciang hun ading kima-sialh kei in. Tu hun le tua hun kikalah a piang ding thu bangmah na thei kei hi.

Thuhilh-sia 9:10

Na mai ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 55:6

A kimuh theih hun lai-in Topa zong unla amah a nai om lai-in thu ngen un.

Mattiu 17:5

Tua bangin a pau laitakun meii ngo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 22:43

Tua ciangin Jesu in amaute kiangah, “Tua ahihleh bang hangin David mahmah in Pasianʼ Khaʼ sawlna tawh,

Marka 12:36

Kha Siangthoʼ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai ah ka koih matengin, ka tak lamah na tu in,’ ci hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum dinga, amaute in keima thu ngai-in, keima khut sungah ka tuu om sate tawh hon khat suak khawm ding uh hi.

Johan 10:27

Keima tuute in ka aw za-in thei uh ahih manin kei hong zui uh hi.

Johan 10:3

Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuahkhiat pih hi.

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Sawltak 1:16

“Lawmte aw, Jesu a mante lam a lak Judas thu, Kha Siangtho in Davidʼ kam panin a gen kholhna Lai Siangtho sung thu a tun ding kisam hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mit sicip uh hi. Tua bang hi kei le-uh, a mit un khua mu dinga, a bil un khua za dinga, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Sawltak 8:29

Tua laitakin Kha Siangtho in Filip kiangah, “Pai inla tua leeng mai ah va om in,” ci-in a sawl hi.

Hebru 10:15

Kha Siangtho in zong hih thu hong theih pih ahih manin,

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhnaʼ khem sa-in ta-in na lungsim uh na khauhsak khak loh nadingun khatlekhat kihanthawnin na kihuh zaw un.

Hebru 3:15

Lai Siangtho in, “Tu ni-in Pasianʼ aw na zak uh leh Pasian na lehdo lai uh hun bangin na lungsim uh khauhsak nawn kei un,” na ci hi.

Hebru 4:7

“Tu ni,” cihna kammal na om lai ahih manin Pasian in nidang khat seh lai ahihna thu hong kilang hi. Lai Siangtho sungah, “Tu ni-in Pasianʼ aw na zak uh leh na lungsim uh khauhsak nawn kei un,” a cihna mun i mat khit sa mah bangin tua zawh kum tampi khit ciangin David tungtawnin thu hong genkik hi.

Hebru 9:8

A pua nung inn dei a om lai teng a sung nung ahi, a Siangtho Pen Mun a kihong nai lo ahihna thu Kha Siangtho in hong kilangsak hi.

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.

Mangmuhna 3:20

Kongkhak ah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.