Hebru 3:16 - Tedim Bible Revision 2017

¹⁶ Pasianʼ aw za napi-in amah a lehdo kuate ahi hiam? Moses in Egypt gam panin a paikhiatpih mi khempeuh ahi uh hi.

Tedim Bible

¹⁶ Thu za napi-un kilemlohna bawlin a hehsak mite kua ahi hiam? Moses nungzui-in Izipt gam pan a paikhia uh mi khempeuhte in tua bang hilo ahi uh hiam?

Hebru 3:16 Iomraidhean Croise

Late 78:17

Ahi zongin ama tungah amaute khial lailai uh a, Sehnel gam sungah Sangpen pa a lehpan uh hi.

Late 78:40

Amaute in gamlak ah amah lehdo zelzel uh a, sehnel gam sungah amah dahsak uh hi.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangteʼ kiangah tui dawn biakna a piakna uh innte zong a hal tum ding hi.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute a kipan note le na pu na pate un a theih ngei loh uh pasian-teʼ na semin paknamtui halin a bia uh hi.

Jeremiah 44:8

Note si-in, leitung a minam dang khempeuhte in hamsiatna-in a hong zat ding uh le hong simmawh nadingun bang hangin na khut uh tawh milim bawlin, na ten nadingun na zuat uh Egypt gamah pasian dangteʼ kiangah paknamtui halin kei hong hehsak na hi uh hiam?

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amauteʼ lakah ka hih sa limte om napi-in, amaute in bang tanvei hong um lo lailai ding ahi uh hiam?

Gamlak-vakna 14:2

Israel mite khempeuh in Moses le Aaron phunsan uh a, mihon buppi in amaute tungah, “Egypt gamah a si khin hizaw hoh le-ung! Tua ahih kei leh zong hih gamlak ah a si khin hizaw hoh le-ung!

Gamlak-vakna 14:24

Ahih hangin ka nasem Kaleb ahihleh, amah in lungsim tuam nei-in limtakin kei hong zui ahih manin, amah in a zuat leitang ah ka tunpih dinga, ama suanlekhakte in tua leitang luah ding uh hi.

Gamlak-vakna 14:30

Jefunnehʼ tapa Kaleb le Nunʼ tapa Joshua sim loh, note tengsak dingin ka kiciamna leitang ah khat beek na tung kei ding uh hi.

Gamlak-vakna 14:38

Ahih hangin gam vaan dingin a pai mite lak panin Nunʼ tapa Joshua le Jefunnehʼ tapa Kaleb-te hing lai uh hi.

Gamlak-vakna 14:4

Amaute khatlekhat kiangah, “Makai khat teelin Egypt ah ciahkik ni,” kici uh hi.

Gamlak-vakna 26:65

Bang hang hiam cih leh Topa in amauteʼ thu a genna ah, “Amaute gamlak ah si ding uh hi,” a ci hi. Jefunnehʼ tapa Kaleb le Nunʼ tapa Joshua lobuang amaute khat beek om nawn lo hi.

Thu-hilhkikna 1:38

Nunʼ tapa Joshua, nangma mai ah a ding pa lut ding hi. Amah hanthawn in; bang hang hiam cih leh amah in Israel mite tua gam luahsak ding hi.

Juda 1:5

Note in na theih sa uh ahi ta zongin ka hong phawksak nop thu in: Topa in Egypt gam panin Israel mite hon khia khin napi-in amah a um lo mite a nung ciangin susia gawp hi.