Hebru 3:14 - Tedim Bible Revision 2017

¹⁴ A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Tedim Bible

¹⁴ Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

Hebru 3:14 Iomraidhean Croise

ROM (Romans) 11:17

A kiciing oliv kung a hiangte kisat khia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew miteʼ hamphatna teng a ngahkhawm na hi uh hi.

ROM (Romans) 11:22

Hih thu ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak uh leh note tungah hong migi mahmah hi. Ahi zongin na zop paisuak kei uh leh note zong hong kisat khia ding hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

1 KORIN MASA 10:17

Anlum khat bek hi a, eite mi tampi hi napi-in tua lum khat bek mah nekhawm ihih manin eite pum khat bek mah ihi hi.

1 KORIN MASA 9:23

Hih bangin ka gamtatna pen amaute tungah Lungdamna Thu ka tut theih nading le keima nasep hoihtakin ka sep theih nading ka deihna ahi hi.

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasianʼ thupha ngahkhawm thei a, amaute tawh pawl khat suakin, Pasian in piak dingin a ciam thute, Khris hangin a ngah khop theihna uh ahi hi.

Thu-hilhkikna 1:35

‘Hih a gilo khang mite khat beek in, na pate uh tungah piak dinga ka ciam gam hoih na mu kei ding uh a, Jefunnehʼ tapa Kaleb bek in tua gam mu ding hi. Amah in a lungsim khempeuh tawh Topa zui ahih manin amah le a tate tungah ama tot sa leitang ka pia ding hi!’ a ci hi.

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtak bawl loin om kha kei uh hen. Amauteʼ nasepna hangin hamphatna a ngah mite pen thu um mi le a it uh mite ahih manin a hoih zaw-in a sepsak ding uh a kilawm zaw ahi hi. Tu-a kong gen ding thute mi khempeuh tungah hilhin gen in.

Hebru 11:1

Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

Hebru 12:10

I leitung pate in amauʼ hoihsak bangin nuntak tomno sung ngaihsutna-in hong thuhilhin gim hong pia a, ahi zongin Pasian in amah tawh kibangin siangtho-in i om theih nadingin eite hong khualna-in hong thuhilhin gim hong pia hi.

Hebru 3:1

Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Hebru 6:4

A tawpkik khin sate a kisikkik nadingin kibawl zo lo hi. Pasianʼ khuavak sungah amaute om khinin, vantung nopna ciam khinin, Kha Siangtho ngah khinin,

1 PETER MASA 4:13

Tua bangin Khris tawh thuak khawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uh ah na lungdam zaw un.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

1 JOHAN MASA 1:3

Pa Pasian le a Tapa Jesu Khris tawh kote pawl khatin ka om uh mah bangin note zong kote tawh pawl khat nong suah theih nading uh deihna-in ka muh sa uh le ka zak sa uh thute a hong gen ka hi uh hi.