Hebru 3:1 - Tedim Bible Revision 2017

¹ Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

Tedim Bible

¹ Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

Hebru 3:1 Iomraidhean Croise

Late 110:4

Topa in thu ciam zo a, ama ngaihsutna kheel lo ding hi. “Melkhizedek bangin a tawntungin siampi na hi hi,” a ci hi.

Isaiah 1:3

Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Isaiah 41:20

Topa’ khut in hih nate bawl a, Israel-teʼ Siangtho Pa in hih nate piangsak hi, ci-in mite in mu-in a theih nading, a thu ngaihsunin a tel theih nading uh ahi hi.

Isaiah 5:12

Amaute in a pawi sung uh ah laiza lasakna le harp lasakna, khuang, tamngai le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Ezekiel 12:3

Ezekiel aw, tu-in galtai dingteʼ gamtat bangin na van puak ding guang inla, suntangpi-in paikhia in. Na omna panin na paikhiat lam mi khempeuh musak in. A lehdo thei mi ahih tei hangun a thu theithei kha ding uh hi.

Ezekiel 18:28

Amah in a gamtatna phawkin a mawh bawlna khawl hi. Tua ahih manin amah si het lo dinga, nungta paisuak ding hi.

Haggai 1:5

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

Haggai 2:15

“Note tungah a piang sa thute limtakin ngaihsun un. Topaʼ biakinn lam ding na kipat ma-un bangci na hi uh hiam?

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Um lah nawn kei inla, um taktak in,” a ci hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

ROM (Romans) 11:17

A kiciing oliv kung a hiangte kisat khia-in gamlak oliv hiangte tawh kipeh hi. No Gentail-te pen tua gamlak oliv hiangte tawh a kibang na hi uh a, Jew miteʼ hamphatna teng a ngahkhawm na hi uh hi.

ROM (Romans) 15:27

Hih pen amau ngaihsut tawmna tawh lawptakin a huh uh ahi hi. A taktakin ci lehang hih mizawngte a huh dingun a kilawm mah ahi hi. Bang hang hiam cih leh Jew mite in kha thu tawh kisai nate Gentail mite hawm uh ahih manin Gentail mite in zong leitung nate tawh Jew mite a huh dingun a kilawm khat ahi hi.

ROM (Romans) 15:8

Hih banga kong genna pen, Pasian thuman hi, ci-in a kilat nadingin pupite tungah Pasianʼ thuciamna a tungsak dingin, Jew mite hoih nading,

ROM (Romans) 9:24

Tua bangin a hong sap eite pen Jew mite sung bek pan hi loin Gentail mite sung panin zong ahi hi.

1 KORIN MASA 1:2

Jesu Khris tawh kipawlna hangin Pasianʼ mi suakin, Pasianʼ mi siangtho cihna a ngah, Korin khua-a om Pasianʼ pawlpi mite le eiteʼ Topa bek hi loin, amauteʼ Topa zong ahi, i Topa Jesu Khris tungah thu a ngen, mun khempeuh ah a om mite tungah lai ka hong khak uh hi.

1 KORIN MASA 10:17

Anlum khat bek hi a, eite mi tampi hi napi-in tua lum khat bek mah nekhawm ihih manin eite pum khat bek mah ihi hi.

1 KORIN MASA 9:23

Hih bangin ka gamtatna pen amaute tungah Lungdamna Thu ka tut theih nading le keima nasep hoihtakin ka sep theih nading ka deihna ahi hi.

2 KORIN NIHNA 1:7

Note ka hong muanna uh kiam tuan lo hi. Koteʼ thuak bangin na thuak uh leh Pasian in kote hong huh mah bangin note zong hong huh ding hi.

2 KORIN NIHNA 9:13

Note in na up uh Jesu hangin lungdamna thu ah na cihtakna uh le amaute le midang khempeuh tungah na cit piakna hangun mi tampite in Pasianʼ min phat ding uh hi.

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasianʼ thupha ngahkhawm thei a, amaute tawh pawl khat suakin, Pasian in piak dingin a ciam thute, Khris hangin a ngah khop theihna uh ahi hi.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

Efesa 4:4

A kibang lametna khat bek a ngahkhawm dingin Pasian in note hong sap mah bangin eite khempeuh pum khat bek hi-in Kha Siangtho zong khat bek mah a neikhawm ihi hi.

Filippi 3:14

Khris Jesu nasepna tawh vantung nuntakna ah Pasianʼ hong sapna ahi hamphatna ka ngah theih nadingin, a kung lam zuanin tangtakin ka tai hi.

Kolose 1:22

Ahi zongin, a Tapa a pumpi mahmah in a hong sihna hangin note, a cidam, a siangtho, paubaanna om het loin ama kiangah hong lak theih nadingin Pasian in note ama lawmin a hong bawl khinta ahi hi.

Kolose 3:12

Pasian in note hong itin, hong teelin, ama mi siangthote hi khin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasianʼ lungkimna bangin na gamtat theih nadingun ka hong gengen uh hi.

1 THESALONIKA MASA 5:27

Thu um mi khempeuhʼ zak dingin hih lai na sim nadingun Topaʼ min tawh kong thum hi.

2 THESALONIKA NIHNA 1:11

Tua ahih manin ama hong sapna tawh a kilawm a kituak nuntakna na nuntak theih nading uh le ama vangliatna tawh a hoih na hih nop khempeuh uh hih zo-in, na upna uh hangin na khempeuh na zawh theih nadingun Pasian kiangah thu ka hong ngetsak tawntung uh hi.

2 THESALONIKA NIHNA 2:14

Topa Jesu Khris tawh minthanna na ngahkhawm theih nadingun note tungah kong hilh uh Lungdamna Thu tawh hih nopsakna ah Pasian in note a hong sam ahi hi.

1 TIMOTI MASA 6:12

Upna thu ah hoihtakin nawk suak inla, mi tampiʼ zakin na pulak sa, Pasian in nangmah a hong piak nuntak tawntungna lenkip in.

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtak bawl loin om kha kei uh hen. Amauteʼ nasepna hangin hamphatna a ngah mite pen thu um mi le a it uh mite ahih manin a hoih zaw-in a sepsak ding uh a kilawm zaw ahi hi. Tu-a kong gen ding thute mi khempeuh tungah hilhin gen in.

2 TIMOTI NIHNA 1:9

Eiteʼ sep zawhna hang hi loin ama ngimna sa bang leh a dikna hangin Pasian in eite hong hon khia-in ama mi dingin a hong sam hi. Pasian in leitung a pianmapekin Khris Jesu tungtawnin tua dikna a hong piak hi a,

2 TIMOTI NIHNA 2:7

Topa in thu khempeuh na theih nadingin hong huh ding ahih manin hih ka thugente khempeuh limtakin na ngaihsun in.

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

Hebru 10:21

Pasianʼ inn sung a uk siampi lianpen zong i nei hi.

Hebru 10:23

Pasian in piak dingin a hong ciam thu muang ngam ihih manin i lametna thu kip takin len ni.

Hebru 13:22

Sanggamte aw, hih ka hong laigelh pen sau khol lo ahih manin hih ka hong hanthotna thute limtakin na ngaih nadingun kong thum hi.

Hebru 2:11

Mawhna panin mite a siangthosak pa le sianthosakna a ngah mite in, Pa, a kibang a neikhawm uh hi. Tua hi a, Jesu in mite, “Sanggam,” a cih ding zum ngaihsut lo ahih manin,

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Hebru 6:20

Tua lai munah eiteʼ tangin Jesu na ma tun khinta a, siampi Melkhizedek gui zui-in a om tawntung ding siampi lianpen a suak hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

Hebru 7:28

Moses Thukham in siampi lianpen a sem dingin cingtaakna a nei thei lo mihing mah na seh a, ahi zongin tua Thukham nungah a hong piang Pasianʼ thuciamna in a tawntungin a cingtaakin a kibawl Tapa, Siampi Lianpen dingin kiciamna tawh a na seh hi.

Hebru 9:11

Ahi zongin tu-in a hoih zaw thu a sem ding Siampi Lianpen Khris hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lian zaw, a cingtaak zaw mun ahi hi.

Hebru 9:15

Thuciamna masa in a huam khak mite, a mawhna panun a suahtak theih nading uh ngeina om pen a si suak khinta ahih manin, Pasianʼ sap mite in a ciam sa tawntung thupha a ngah theih nadingun Khris in thuciamna thak a hong vaihawm ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasianʼ mite na hi uh a, khuamial sung panin a lamdang mahmah ama khuavak sungah a hong sam khia paʼ nasepna a lamdangte a gen khia dingin Pasian in a hong teel mite na hi uh hi.

1 PETER MASA 3:5

A beisa hunah Pasian muangin thu um numeite in a pasalte uh thu mangin, tu-a bang danin a hoih nadingun a kibawl uh hi.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

1 PETER MASA 5:10

Tawl khat na thuak khit uh ciangin, Khris tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl dinga, kipna, thahatna, bulkip kician hong pia ding hi.

1 JOHAN MASA 1:3

Pa Pasian le a Tapa Jesu Khris tawh kote pawl khatin ka om uh mah bangin note zong kote tawh pawl khat nong suah theih nading uh deihna-in ka muh sa uh le ka zak sa uh thute a hong gen ka hi uh hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.