Hebru 2:8 - Tedim Bible Revision 2017

⁸ na khempeuh na uksak hi,” na ci hi. “Pasian in na khempeuh a uk dingin bawl,” a cih ciangin na khempeuh a huam khin hi ta hi. Mihing in na khempeuh a uk lam i thei nai kei hi.

Tedim Bible

⁸ Na khempeuh ama khe nuai-ah na koih zo hi,” ci-in teci a pang hi. Na khempeuh a koih zo hi a cih ciangin a koih loh a om lai khat beek a om kei hi. Tu hunin na khempeuh ama khe nuai-ah a koihna i mu nai kei hi.

Hebru 2:8 Iomraidhean Croise

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 8:6

Na khut tawh na bawl sate khempeuh tungah ukna thu ama tungah na pia a, na khempeuh na uksak hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Johan 13:3

A Pa in ama khut sungah vangliatna khempeuh a piakna le Pasian in amah a sawl mah bangin tu-in Pasian kiangah a paikik ding ahihna thu zong a thei hi.

Johan 3:35

Pa in Tapa it ahih manin ama khut sungah na khempeuh a pia hi.

1 KORIN MASA 15:27

Bang hang hiam cih leh Lai Siangtho in, “Pasian in na khempeuh ama khe nuai ah koih hi,” na ci hi. “Na khempeuh,” a cih ciangin Khrisʼ khutnuai ah na khempeuh a koih Pasian mahmah sim loh a vekpi-in a huam khin ahihna kitel hi.

Hebru 1:13

Ahi zongin Pasian in ama vantung mite kiangah, “Na galte na khe nuai ah ka hong sikcipsak matengin ka tak lamah hong tu in,” ci ngei lo hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Hebru 2:5

Eite in gen belin i neih a hong tung ding leitung pen Pasian in vantung miteʼ khut sungah koih lo hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,