Hebru 2:3 - Tedim Bible Revision 2017

³ Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Tedim Bible

³ Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 2:3 Iomraidhean Croise

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Isaiah 20:6

Tua ni ciangin hih tuipi gei-a teeng mite in, ‘En un, eiteʼ lametna, Assiria kumpipaʼ kiang panin eite hong hon khia dingin i belh miteʼ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

Isaiah 51:5

Manlangin hong pai-in amaute ka hon khia ding hi. Ka gualzawh ding hun hong nai ta hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Isaiah 51:8

Bang hang hiam cih leh nget in puan a nektum bangin amaute bei mang dinga, lungno in samul puan a peh tum bangin amaute maimang ding uh hi. Ahih hangin keima khah khiatna om tawntung dinga, khang tawntungin ka hotkhiatna kip ding hi,” a ci hi.

Isaiah 62:11

Leimong dongah Topa taangko khin hi. Jerusalem mite tungah, “En un, no hong hon khia pa hong pai hi. Ama sep thaman a mite hong pua a, a gualzawhna thaman a mite hong masuan hi,” ci un.

Ezekiel 17:15

Ahi zongin Judah Kumpipa in amah lehdo veve a, sakol galkap honpite a ngen dingin Egypt gamah mi pai simsak hi. A deihna bangin tangtung ding ahi hiam? Tua bangin a gamtatna tawh suakta zo ding ahi hiam? A thuciamna palsat napi-in gimthuak loin om thei ding ahi hiam?

Ezekiel 17:18

Amah in a kiciamna le a thuciamna palsatin hih bangin gamta khin ahih manin, amah suakta ngei lo ding hi.

Mattiu 23:33

Gul a bang miteʼ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 4:17

Tua hun a kipan Jesu in thuhilh ding kipan a, “Vantung ki-ukna hong nai ta ahih manin kisikin na om zia uh kheel un,” ci-in thu a hilh hi.

Marka 1:14

Thong sungah Johan a kikhiat khit ciangin Galilee gam sungah Jesu hong pai a, Pasian kiang panin hong pai Lungdamna Thuthak gen a,

Luka 1:2

A kipat cil a kipanin amauʼ mit mahmah tawh a mu mite in hong gente uh a gelh uh ahi hi.

Luka 1:69

A nasem pa Davidʼ suante sung panin eite adingin Vanglian Honpa hong pia hi.

Luka 24:19

Tua ciangin Jesu in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesu tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna ah vang a nei mahmah khatin a ngaihsut uh ahi hi.

Johan 15:27

A kipat cil a kipanin kei tawh om khawm na hih manun note in zong keima thu na gen ding uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngah theih nadingin leitung khempeuh ah Pasian in hong piak min dang khat zong om lo hi,” ci-in a gen hi.

ROM (Romans) 11:14

Bang hang hiam cih leh ka mipihte in note hong en theih nading uh piangsak thei-in, tua manin amaute pawl khat in hotkhiatna a ngah nading uh piangsak zo kha dingin ka kilamen hi.

ROM (Romans) 2:3

Midangte a mawhna hangin thu khenin, no zong tua amau mawhnate mah na bawl veve uh ciangin Pasianʼ thukhenna tawh kipelh tuan dingin ki-um peuhmah na hi uh hiam?

1 KORIN MASA 1:21

Pasian in ama pilna hong zang a, mihingte in amauʼ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a pia zaw hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

1 TIMOTI MASA 1:15

Khris Jesu, mawhneite a hon khia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Titu 2:11

Bang hang hiam cih leh mi khempeuh in hotkhiatna a ngah theih nadingun Pasian in ama hehpihna hong lak khinzo hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lut lah na suahkhak loh nadingun lau-in kidawm ni.

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

Hebru 9:28

mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

1 JOHAN MASA 1:1

Leitung piancil lai pek a kipanin a om sa ahi nuntakna a pia thei Thu tawh kisai, note kiangah ka hong gelh uh hi. Kote mahmah in ama thugen ka za uh a, ka mit mahmah uh tawh amah mu-in, limtakin ka et tel uh hi a, ka khut mahmah uh tawh ka lawn uh ahi hi.

Juda 1:17

Ahi zongin ka itte aw, i Topa Jesu Khrisʼ sawltakte in note tungah hong gen sa thute na phawk un.

Mangmuhna 7:10

Amaute nakpi takin awngin, “Tokhom tungah a tu i Pasian le Tuuno pen eite a hong hon khia ahi uh hi,” a ci uh hi.