Hebru 13:9 - Tedim Bible Revision 2017

⁹ Thuhilhna lamdang a tuamtuamte zui-in lam man panin pial kha kei un. A zui mite tungah bangmah phattuamna a piangsak thei lo an nek tui dawn tawh kisai ngeina zuihna in thahatna hong pia thei lo a, Pasianʼ hehpihna bek in i lungsim hong thahatsak thei hi.

Tedim Bible

⁹ A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Hebru 13:9 Iomraidhean Croise

Late 112:8

Amah lau loin, lunghimawh loin om hithiat a, amah a langpangte a guallelh ding a thei tel hi.

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Mattiu 24:4

Jesu in amaute kiangah, “Kidawm unla, miteʼ khem sa-in ta kei un.

Luka 5:38

Tua ahih manin savun um thak sungah leenggahzu thak a kikoih ding ahi hi.

Sawltak 20:30

Note sung mahmah panin zong mi pawl khat in thu um mite khemin a zol khiat hun hong tung ding hi.

Sawltak 20:32

“Tu-in Pasianʼ khut sung le ama dikna thu sungah note ka hong ap hi. Amah in note hong khangtosak thei-in, ama mite khempeuh adingin a koih thuphate note tungah hong pia thei hi.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

ROM (Romans) 14:2

Mi pawl khat in na khempeuh ka nek theih ding hi, ci-in ngaihsun uh hi; ahi zongin upna neute in anteh bek ne ngam uh hi.

ROM (Romans) 14:6

Ni khatpeuh thupi diak hi, ci-in a tang mite in Topa a pahtawina-in a tang ahi uh hi. An khempeuh a ne mi in zong Pasianʼ tungah lungdamna ko-in ne uh ahih manin Topa a pahtawina mahin a ne uh ahi hi. Nek dingin kilawm lo hi, ci-in a ne lo mite in zong Pasian tungah lungdamna mah ko ahih manin Topa a pahtawina mahin a ne lo uh ahi hi.

1 KORIN MASA 6:13

“An pen i gilpi ading hi a, gilpi zong an ading mah hi lo ahi hiam?” a ci zong om kha ding hi. Ahi zongin Pasian in tua tegel a beisak hun hong tung ding hi. Pumpi pen paktatna-in zat ding hi lo a, Topaʼ na sepna-in zat ding hizaw hi. Topa in pumpi ading na hong sem hi.

1 KORIN MASA 8:8

Ahi zongin tua i nek ante in Pasian tawh i kizopna hong hoihsak tuan lo hi. I nek loh hangin siatna om tuan lo a, i nek hangin zong phatna om tuan sam lo hi.

2 KORIN NIHNA 1:21

Khris sungah kote le note a hong kipsak pa le nasem dingin kote a hong sawl pa pen Pasian ahi hi.

Galati 6:1

Sanggamte aw, mi khatpeuh a gamta khial a om ciangin, Kha Siangthoʼ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuah khak loh nadingun na kikem un.

Efesa 4:14

Tua hun ciangin thu upna lamah naupang ihi nawn kei dinga, mite khemin a khialsak theiteʼ mutna hangin i suk hoi i to hoi nawn kei dinga,

Efesa 5:6

Hih bang mawhnate i bawl hangin phamawh kei, ci-in a mawk gen miteʼ khem sa-in ta kei un. Pasian thu mang loin hih bangin a gamta mite in Pasianʼ hehna a thuak ding uh ahi hi.

Kolose 2:4

Kuamah in note a hong khem zawh loh nadingin hih bang thu a hong gen ka hi hi.

2 THESALONIKA NIHNA 2:17

note lungsimah thakhauhna hong guan henla, a hoih thu khempeuh genin a sem zo dingin na tha uh hong hatsak tahen.

2 THESALONIKA NIHNA 2:2

Topaʼ hong pai ding ni hong tung khinta hi, ci-a thu kigenna hangin lunghimawhin lungmangin om kei un. Thuhilh khat peuhpeuh in hih bang thu hong gen kha thei dinga, tua thu pen koteʼ gen leh gelh hi, ci-in zong gen kha ding uh hi.

1 TIMOTI MASA 6:20

Timoti aw, nang tungah a hong kipia thute hoihtakin na zui in. Mi pawl khatte in, “Thu theihna,” ci-in a ngaihsut khak uh, Pasianʼ thu tawh a kituak lo, thu kihai selnate na pelh in.

1 JOHAN MASA 4:1

Ka it lawmte aw, kha ka nei a ci mi khempeuhʼ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Juda 1:12

Noteʼ annek khopna ah zumna mel nei loin hong om gawp uh ahih manin hong siat suah uh a, amauʼ pumpi bek ngaihsun uh hi. Amaute pen cikmahin guah a zusak ngei lo, huih in a letkhiat mang meiipi, tuk hun laitak nangawnin a gah a gah lo, kizunglotin a keutum singkungte,

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.