Hebru 13:8 - Tedim Bible Revision 2017

⁸ Jesu Khris pen zani, tu ni, a tawntungin kibang ngitnget hi.

Tedim Bible

⁸ Zeisu Khazih in zanni, tuni, atawntungin kikheel loin a om hi.

Hebru 13:8 Iomraidhean Croise

Piancilna 21:33

Abraham in Beer-sheba ah makeng kung khat suan a, tua lai munah Tawntung Pasian, Topa a bia hi.

Late 103:17

Ahih hangin Topaʼ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khangkhangin a kip tawntung hi.

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Late 90:4

Bang hang hiam cih leh nangma muhna ah kum tul khat a bei ciangin zanni ahi a, zan ihmut laitakin khanlawh khat sung tawh ahi zongin a kibang bek hi.

Paikhiatna 3:14

Pasian in Moses kiangah, “Keimah in Keimah ka hi hi,” ci hi. Tua ciangin Pasian in, “Israel mite tungah hih thu genin, ‘Keimah a kici pa in note kiangah kei hong sawl hi,’ ci in,” a ci hi.

Isaiah 41:4

A kipat cil a kipanin a khangkhangin mite a sam, hih nasep semin a bawl kua ahi hiam? Keimah Topa in, a masa le a nunung ka hi a, kei pen Topa ka hi hi.

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei sim loh pasian dang om lo hi.

Malakhi 3:6

“Kei, Topa ka hi a, lungsim a kheel lo mi ka hi hi. No Jakob suanlekhakte aw, a sia cimit na hi nai kei uh hi.

2 KORIN NIHNA 1:19

Bang hang hiam cih leh Silvanas, Timoti le keimah in note lakah a thu ka hong hilhhilh uh Pasianʼ Tapa Jesu Khris pen hih ding a cihte hih lo ding ci-in a thu a kheel themthum pa hi lo a, hih ding a cihte hih ding mah hi pah hi.

2 KORIN NIHNA 1:20

Pasianʼ thuciamte khempeuh a hih pa pen amah ahi hi. Tua ahih manin Jesu Khris hangin Pasian phatin, “Amen,” i cihna zong hih thu hang mah ahi hi.

Hebru 1:12

puan khep bangin na khep dinga, tua nate khempeuh kikhelkhel ding uh hi. Ahi zongin nang na kibang tawntung dinga, teek hun cih na nei ngei kei ding hi,” na ci lai hi.

Jeim 1:17

A hoih thu le na khempeuh, Pasian kiang panin hong pai hi a, vantung khuavak a Piangsak pa ahih manin amah kikheel ngei lo a, amah a kihei manin khua zong mial tuan lo hi.

Juda 1:25

khat bek ahi eite a hong Hon Pasian in, tu ma, tu laitak le a tawntungin, minthanna, vangliatna, uk zawhna le aana nei tawntung tahen. Amen.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

Mangmuhna 1:8

A beisa hun, tuhun le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.