Hebru 13:7 - Tedim Bible Revision 2017

⁷ Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Tedim Bible

⁷ Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Hebru 13:7 Iomraidhean Croise

Solomon la 1:8

Nungak khempeuh lakah a ngaihbaang pen nungak aw, a mun thei lo na hi hiam? Tuuhonte zui-in na keelte hong khah inla, tuucingpaʼ puanbuk gei ah hong cing in.

Mattiu 24:45

“A pil a citak nasem i cih a bangcite ahi hiam? A nasep pih dangte ukin a hun manmanin amauteʼ nekzah ding ciat an a pia dingin a topa in a seh a nasem pa ahi hi.

Luka 12:42

Topa in, “A pil a citak nasem pa i cih a bangcite ahi hiam? A nasep pih dangte ukin a hun manmanin amauteʼ nekzah ding ciat a pia dingin a topa in a seh nasem pa ahi hi.

Luka 5:1

Khat vei, Gennesaret Tuili gei ah Jesu dingin a om laitakin, mite in Pasianʼ thu za nuamin Jesu hong nehcip uh hi.

Luka 8:11

Tua ciangin Jesu in, “Thu gentehna a khiatna pen hih bang ahi hi: Khaici pen Pasianʼ thu hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amauteʼ muan ahi Topaʼ khut sungah tua mite a ap uh hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

ROM (Romans) 10:17

Tua ahih ciangin zakna panin upna hong piang thei a, Khris thu up nading pen hilhna panin hong piang thei pan hi.

1 KORIN MASA 10:13

Na tuah uh ze-etnate khempeuh pen miteʼ tuah ngeingeite mah ahi hi. Pasian in citakin a thuciamna lenkip ahih manin noteʼ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuak zawh nading uh thahatna hong guan ding ahih manin na suahtak zawh nading uh lampi hong honsak ding hi.

1 KORIN MASA 11:1

Keimah in Khris gamtatzia ka zuih mah bangin note in zong keima gamtatzia hong zui ta un.

1 KORIN MASA 4:16

Tua ahih manin keima gamtatzia na hong zuih nadingun kong thum hi.

Filippi 3:17

Sanggamte aw, keima gamtat bangin hong gamta niloh un. Noteʼ etteh dingin a hoihin kote hong gamta ka hih manun, koteʼ gamtat bangin a gamtate na etteh un.

1 THESALONIKA MASA 1:6

Kote le Topaʼ gamtat bangin note na gamta uh a, note in gimna nakpi takin thuak lawh napi-in Kha Siangthoʼ huhna tawh lungdam takin thu umin na om uh hi.

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.

2 THESALONIKA NIHNA 3:7

Koteʼ gamtatzia bangin a gamta ding na hihna uh teltakin na thei uh hi. Note tawh ka hong om khawm lai-un ka thadah om kei uh hi.

2 THESALONIKA NIHNA 3:9

Hih bangin ka gamtatna uh pen noteʼ hong piakte a khongin ne-in a zang dingin a kilawm mah hi napi-in, noteʼ etteh ding gamtatzia a hong lak ka hizaw uh hi.

1 TIMOTI MASA 3:5

Bang hang hiam cih leh mi khatpeuh in a innkuan sung uk zia ding a theih kei leh Pasianʼ pawlpi kem thei lo ding hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Hebru 13:24

Na makaite uh le Pasianʼ mi khempeuh na hopihsak un. Italy gam panin a hong pai mite in note hong hopih uh hi.

Hebru 6:12

Note thadah loin upna le lungduaina a nei mite bangin, Pasianʼ hong ciam sa thu na ngah nadingun ka hong deihsak uh hi.

1 PETER MASA 4:11

Minthanna le vangliatna a nei tawntung Pasian in Jesu Khris hangin thu khempeuh ah phatna a ngah theih nadingin thuhilhte in Pasianʼ thu na hilh unla, na a semte in Pasianʼ piak thahatna tawh na sem un. Amen.

Mangmuhna 1:9

Noteʼ sanggam keimah Johan in Jesu tawh kipawlna hangin note mah bangin bawlsiatna thuakin, Pasianʼ Ukna sungah omin, lungduai takin a thuak mipa ka hi hi. Pasianʼ thu le Jesuʼ hong gen thumante ka genna hangin Patmos a kici tuikulh-ah kei hong kikoih hi.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.

Mangmuhna 6:9

Ciaptehna ngana a hon ciangin Pasianʼ thu a genna hang le Pasianʼ thu citakin teci a panna uh hangin a kithat miteʼ kha, biakna tau nuai ah a om ka mu hi.