Hebru 13:5 - Tedim Bible Revision 2017

⁵ Sum deih luatna tawh na kipelh nadingun na nuntakna uh ah kikem unla, na neihzah uh tawh lungkim un. Pasian in, “Note ka hong nusia ngei kei dinga, ka hong tamasak ngei kei ding hi,” hong ci hi.

Tedim Bible

⁵ Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Hebru 13:5 Iomraidhean Croise

Piancilna 28:15

En in, keimah in nang hong ompihin na paina peuh ah kong kem dinga, hih leitang ah nang kong paipihkik ding hi. Bang hang hiam cih leh nangʼ tunga kong gen sa thute ka hih khit matengin nang kong nusia kei ding hi,” a ci hi.

Piancilna 30:31

Amah in, “Nang bang hong pia ding ka hi hiam?” a ci hi. Jakob in, “Bangmah dang nong pia kei ding hi. Hih bangin nong hih nakleh na tuuhonte vakkikin ka kem ding hi.

Piancilna 31:5

amaute kiangah, “Na pa un nidang bangin maipha tawh kei hong don lohna ka mu hi. Ahih hangin ka paʼ Pasian in kei hong ompih hi.

1 KUMPI MASATE 6:13

Tua ciangin na lam biakinn sung Israel mite lakah ka teeng dinga, keima mi Israel-te ka nusia kei ding hi,” a ci hi.

1 KUMPI MASATE 8:57

I pu i pate a ompih mah bangin Topa i Pasian in eite hong ompih henla, eite hong nusia kei henla, hong taisan kei hen.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topaʼ biakinn sung nasepna khempeuh a kizawh matengin amah in nang hong tamasak lo dinga, hong nusia lo ding hi.

Late 10:3

Bang hang hiam cih leh migilo in a lungsim deihna kisaktheih pih a, ngahna dingah a huaiham pa in Topa phuisamin a taisan hi.

Late 119:36

Nangma thuhilhnateʼ lamah ka lungsim awnsak inla, ngah nading bekah awnsak kei in.

Late 37:25

Thuman mi a kinusiacip, a suanlekhakte ngen tawmin a kivak, ka neu lai a kipanin tu-a ka teek hun ciang dong ka mu ngei nai kei hi.

Late 37:28

Bang hang hiam cih leh Topa in thutang deih a, ama mi siangthote nusia lo ding hi. Thuman mite kikemcing den dinga, ahi zongin migiloʼ suanlekhakte kipuaseh ding hi.

Paikhiatna 2:21

Moses zong tua mipa kiangah om ding lungkim a, amah in Moses tungah a tanu Zipporah a pia hi.

Paikhiatna 20:17

“Na veengte uh inn na deihgawh kei ding uh hi. Na veengte uh zi hitaleh, ama nasem pa hitaleh, ama nasem nu hitaleh, ama bawngtal hitaleh, ama la hitaleh, na veengte aʼ ahi na khat peuhpeuh na deihgawh kei ding uh hi,” a ci hi.

Paunak 23:4

Hauh nop man bekin sumʼ sila suak kei unla, a man loin gamta kha kei un.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Isaiah 41:17

Keima mite in tui duhin, tui zongin, a dang uh a taak ciangin amauʼ hong thungetna ka pia dinga, Israel-teʼ Pasian keimah in amaute ka nusia kei ding hi.

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Jeremiah 6:13

Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Mattiu 6:19

“Nget in ne-in a kekseu theihna, gutate in luhin a guk theihna hih leitungah na sum uh khol kei un.

Mattiu 6:25

“Tua ahih ciangin note kiangah kong genin ah: Na nuntak nadingun bang ne-in bang dawn ding cih ahi a, na pumpi uh adingin bang silh ding cih ahi zongin lunghimawh lua kei un. Nuntakna pen an sangin thupi zaw a, pumpi pen puan sangin thupi zaw hi lo ahi hiam?

Mattiu 6:34

“Tua ahih manin zing ciang hun ading ma lungkham masa kei un. Zing ciang thu ding ama thu-in omsak lel un. Tu ni thu pen tu ni thu mah tawh beisak unla, lungkham ding behlap se kei un.

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna le hai tatna a piangsak thei ngaihsutna hoih lote khempeuh,

Luka 3:14

Galkap pawl khatte in zong ama kiangah, “Kote, bangci gamtat ding ka hi uh hiam?” ci-in a dot uh ciangin, “Zawhthawh thu tawh ahi a, a man lopi-in mawhsakna tawh ahi zongin kuama sum suh kei unla, na khasum ngah zah uh tawh lungkim un,” ci-in a dawng hi.

Luka 8:14

Lingbulsum omna a tukna munte pen Pasianʼ thu za napi-in a nuntakna sung uh ah leitung lunghihmawhna, hauhna le nopsaknate in dep gawp ahih manin bangmah a suak khia zo lote a cihnopna ahi hi.

ROM (Romans) 1:29

Siatna nam khempeuh ahi, hoih lohna, huaihamna, khatlekhat kisiatsak nopna, hazatna, mi thahna, kitotna, khemna, a sia lam bekbek ngaihsutna, zuaugenna,

1 KORIN MASA 5:11

Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.

1 KORIN MASA 6:10

a gutate, a huaihamte, zukhamte, mi gensiate, ahih kei leh miʼ na a sutte khat beek, Pasianʼ Ukna sungah lut thei het lo ding hi.

2 KORIN NIHNA 4:9

gal tampi ka neih uh hangin pawl ka kitasam ngei kei uh a, liamna baina ka tuah uh hangin ka si kei uh hi.

Efesa 5:3

Note pen Pasianʼ mi na hih manun note lakah nulepa khialhna, a kilawm lo-a gamtatna, huaihamna cihte genin zong na nei vet kei un.

Efesa 5:5

Nulepa khialhna a gamta mi, a kilawm lo-a a gamta mi le a huaiham (huaihamna zong milim biakna zahin sia hi) mite in Khris Ukna le Pasian Ukna sungah bangmah ngah nei het lo ding ahihna uh teltakin thei ta un.

Thu-hilhkikna 31:6

Thahat unla, hang un. Lau kei unla, amaute kihta kei un. Bang hang hiam cih leh note tawh hong pai pa pen Topa na Pasian uh ahi hi. Note hong cimawhsak lo dinga, hong nusia lo ding hi,” a ci hi.

Thu-hilhkikna 31:8

Na mai ah a pai pa pen Topa ahi hi. Amah in nang hong ompih dinga, nang hong cimawhsak loin, zong hong nusia lo ding hi. Lau kei inla, lungkia kei in,” a ci hi.

Thu-hilhkikna 4:31

Bang hang hiam cih leh Topa na Pasian uh hehpihna a nei Pasian ahi hi. Amah in note hong tamasak loin, hong nusia lo dinga, na pate uh tawh a thuciamna mangngilh lo ding hi.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

1 TIMOTI MASA 3:3

zu a kham lo mi, a ngongtat lo mi, lungsim nem mi, kitot a uk lo mi, sum a deih lua lo mite hi ding uh hi.

Joshua 1:5

Na nuntak sung tawntung kuamah in na mai hong khak zo lo ding hi. Moses tawh ka om mah bangin nang tawh zong kong om ding hi. Nang kong tamasak kei dinga, kong nusia kei ding hi.

Joshua 7:21

Shinar panin van kia lakah puan hoih khat le ngun shekel za nih a gik le shekel sawm nga a gik kham tawn khat ka muh ciangin, tuate iplahin ka la kha hi. Tu-in tuate ka puanbuk sung leilak ah a ngunte a nuai ah omin kiseel hi,” a ci hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.

1 SAMUEL MASA 10:7

Hih limte nang tungah hong tun ciangin na tuah peuhpeuh na hih ding hi; bang hang hiam cih leh nang tawh Pasian hong om hi.

1 SAMUEL MASA 12:22

Topa in ama min a khualna-in ama mite paai khia lo ding hi; bang hang hiam cih leh ama mi-in note hong bawl nadingin Topa lungkim khin hi.