Hebru 13:21 - Tedim Bible Revision 2017

²¹ ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Tedim Bible

²¹ ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Hebru 13:21 Iomraidhean Croise

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

Late 138:8

Topa in kei adingin a ngaihsutte hong tungsak ding hi. Topa aw, na itna kip tawntung hi. Na sep sa na maban hong tun ta in.

Mattiu 12:50

Vantungah a om ka Paʼ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mattiu 21:31

Hih tapa nihte sung panin a koi bel pen a paʼ deih bangin gamta ahi hiam?” a ci hi. Amaute in, “A ta u zaw a ta hi,” a ci uh hi. Tua ciangin Jesu in amaute kiangah, “Note kiangah a mantak a kong genin ah: Pasianʼ ukna sungah note sangin siahdongte le numei paktatte lut masa zaw ding hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 6:13

Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

ROM (Romans) 11:36

Bang hang hiam cih leh na khempeuh ama piansak hi a, na khempeuh ama hang le ama minthan nading bekin a om ahi hi. Mi khempeuh in Pasian phat tawntung tahen! Amen.

ROM (Romans) 16:27

Thu khempeuh ah pilna a nei, amah bek ahi Pasian in Jesu Khris hangin a tawntungin phatna ngah tahen! Amen.

2 KORIN NIHNA 9:8

Note in na kisap khempeuh uh na neih theih nading uh le midangte huh nading zong na neih thuah theih nadingun Pasian in hong pia thei hi.

Galati 1:5

Pasianʼ min thang tawntung tahen! Amen.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Efesa 2:18

Khris hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i pai thei hi.

Thu-hilhkikna 32:4

“Eiteʼ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Filippi 2:11

Jesu Khris in Topa ahi hi, ci-in taangko-in Pa Pasian a min thangsak ding uh hi.

Filippi 2:13

Bang hang hiam cih leh note in utna lungsim na neih nading uh le ama deihna na zuih zawh nadingun note sungah Pasian in a tawntungin na a hong sem ahi hi.

Filippi 4:13

Khris in a hong piak vangliatna tawh hihte khempeuh nawk zawh nading thahatna a nei ka hi hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

Kolose 3:20

Tate aw, na nu na pate uh thu man tawntung ding pen na Khristian nasep uh ahi hi. Tua bang thumanna in Pasian lungdamsak hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

1 THESALONIKA MASA 3:13

Tua hileh i Topa Jesu a mi siangthote khempeuh tawh hong pai ciangin eiteʼ Pa ahi Pasianʼ mai ah kisuanna om het loin lungsim siangtho takin na om thei ding uh hi.

1 THESALONIKA MASA 4:3

Note a siangtho-in nungta-in numei tunga mawhna tawh na kipelh siangtho nading uh Pasian in hong deih hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.

2 THESALONIKA NIHNA 2:17

note lungsimah thakhauhna hong guan henla, a hoih thu khempeuh genin a sem zo dingin na tha uh hong hatsak tahen.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

2 TIMOTI NIHNA 4:18

Topa in siatna khempeuh panin kei hong hon khia dinga, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

Hebru 10:36

Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.

Hebru 12:23

vantungah a min a kikhum Pasianʼ ta upate a kikhopna, mi khempeuhteʼ thu a khen Pasianʼ kiang, a cingtaakin a kibawl midikteʼ kha a omna,

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

1 PETER MASA 4:2

Tua ahih manin tu a kipanin na leitung nuntak sung uh mihingteʼ deihna bangin gamta loin Pasianʼ deihna bangin na gamtat ding uh ahi hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

1 JOHAN MASA 2:17

Leitung nate le leitung deihnate a beibei ding hi ta a, ahi zongin Pasianʼ deihna bangin a gamta mite pen kip tawntung ding hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Juda 1:25

khat bek ahi eite a hong Hon Pasian in, tu ma, tu laitak le a tawntungin, minthanna, vangliatna, uk zawhna le aana nei tawntung tahen. Amen.

Mangmuhna 4:6

A tokhom mailam tengah Kristal suangmanpha bangin a siang kilkel, limlang peekpi kiphah tuipi bangin a dum dide hi. Tua tokhom kiim a pang ciatah a nung le a mai ah mit a dimin a nei ganhing li a om hi.

Mangmuhna 5:13

Tua ciangin vantung, leitung, leinuai, tuipi sung le mun khempeuh ah a om nuntakna a nei khempeuh in la a sakna uh ka za a, amaute in, “Tokhom tungah a tupa le Tuuno in phatna, pahtawina, minthanna le vangliatna, ngah tawntung tahen,” a ci uh hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,