Hebru 13:1 - Tedim Bible Revision 2017

¹ Khris sungah unau bangin na ki-itna uh na zomsuak un.

Tedim Bible

¹ Ute naute ki-itna kip ta hen.

Hebru 13:1 Iomraidhean Croise

Late 133:1

En un, sanggamte pum khat suakin a tut khawm uh ciangin bangzahin hoihin nuam ahi hiam?

Johan 15:17

Tua hi a, note kong thupiak in: Khatlekhat na ki-it un, cihna ahi hi.

Sawltak 2:1

Pentekos ni hong tun ciangin Jesu a um mi khempeuh mun khat ah kikhawm uh hi.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-aʼ tuam ci loin, a neih khempeuh uh a neikhawm ciat uh hi.

Galati 5:13

Sanggamte aw, note na hih uh leh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zang zaw un.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Efesa 4:3

Kha Siangtho kimakai sakin, khatlekhat kilemin pawl khat na hihna uh na kipsak tawntung un.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Hebru 10:24

Khatlekhat ki-itin a hoih nate i sep nadingin kihanthawn ciat ni.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

1 PETER MASA 2:17

Mi khempeuh zahtak bawlin thu up pih mite na it unla, Pasian zahtak bawlin kumpipa zong na zahtak un.

1 PETER MASA 3:8

A tawpna ah kong gen nop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

2 PETER NIHNA 1:7

Pasianʼ deih bangin na gamtatna uh sanggam ki-itna tawh na behlap un; na sanggam ki-itna uh itna thukpi tawh na behlap zawh nadingun na hanciam un.

1 JOHAN MASA 3:23

Ama hong thupiakna in: A Tapa Jesu Khris umin zui-in, Khrisʼ hong sawl bangin eite khatlekhat i ki-it ding ahi hi.

1 JOHAN MASA 4:20

Mi khatpeuh in, “Pasian ka it hi,” ci napi-in a Khristian mipihte a muhdah leh a zuaupi a gen ahi hi. Bang hang hiam cih leh a muh theih a Khristian mipih a it lo mi in a muh theih loh Pasian it thei lo ding hi.

Mangmuhna 2:4

Ahi zongin note ka hong mawhsakna khat om a, tua in: A masa lai-a kei na hong it bangun tu-in na hong it nawn kei uh hi.