Hebru 12:9 - Tedim Bible Revision 2017

⁹ Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai ah i Paʼ thu mang pha zaw-in i nuntak ding kisam hi.

Tedim Bible

⁹ Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

Hebru 12:9 Iomraidhean Croise

JOB (Job) 12:10

A piansak sateʼ nuntakna Pasian mah in a uk ahi hi. Mihing khempeuhteʼ nuntakna ama khut sungah om hi.

Paikhiatna 20:12

“Topa na Pasian un note hong piak leitang tungah na khan uh a sau theih nadingin na nu le na pa uh zahtak un.

Paunak 30:17

A pa a simmawh mipa, a nuʼ thu a mang nuam lo mipa, va-ak in a mittang khelkhiat sakin musanete in a sa ne ding uh hi.

Thuhilh-sia 12:7

I pumpi, lei suakkik dinga, i nuntakna a hong pia Pasianʼ kiangah i kha ciahkik ta ding hi.

Isaiah 38:16

Topa aw, nang adingin kong nungta dinga, nang ading bekbekin kong nungta ding hi. Ka ci hong damsakkik inla, hong nungtasak in!

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Isaiah 45:10

A pa kiangah, “Nangmah in kua piangsak na hi hiam?” a ci pa hitaleh, a nu kiangah, “Nang in nausuak dingin kua gimpih na hi hiam?” a ci pa in gimna ngah tahen!

Isaiah 57:16

Ka mite tungah nuntakna ka pia hi. Amaute ka mawhsak paisuak kei dinga, amaute tungah ka heh tawntung kei ding hi.

Ezekiel 22:7

A nu a pa a zahtak bawl kuamah om lo hi. Peemtate kikhem gawp a, meigong le tagahte zong kihih thopthop hi.

Siampi Laibu 19:3

Note a kuamah peuh in na nu le na pa uh zahtakin, note in ka Sabbath-te na tang ding uh hi; kei pen Topa na Pasian uh ka hi hi.

Zekhariah 12:1

Vanpi zalin leitung piangsak a, mihingte tungah nuntakna a pia Topa in Israel mite tawh kisai-in thu gen a,

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Gamlak-vakna 16:22

Amaute bok suk uh a, “Pasian, mi khempeuhteʼ tungah nuntakna a pia Pasian aw, mi khatʼ khialhna hangin mihon khempeuhteʼ tungah nang heh ding na hi hiam?” a ci uh hi.

Gamlak-vakna 27:16

“Topaʼ mihonte, a cing nei lo tuute a bat loh nadingin amauteʼ mai ah pai khia-in amauteʼ mai ah a tum ding, amaute paikhiat pihin amaute a ciahpih ding, mihonte a uk dingin, Topa, mi khempeuh tungah nuntakna a pia Pasian ahi nangmah in mi khat seh in,” a ci hi.

Luka 18:2

“Khuapi khat sungah Pasian a zahtak lo, mi zong a don lo thukhen mang khat a om hi.

Luka 18:4

Tawl khat sung thudon loin om a, ahi zongin a nung ciangin, ‘Pasian zahtak loin, mite zong ka don nop khol loh hangin,

Johan 3:6

Mihing sung panin a suakte mihing mah hi bek a, Kha tawh a suakte pen kha mi ahi hi.

Sawltak 2:30

David pen kamsang hi a, ama tunga Pasianʼ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

ROM (Romans) 1:3

Tua thu pen eiteʼ Topa Jesu Khris ahi ama Tapaʼ thu ahi hi. Tua Tapa pen leitung si le sa lam panin Davidʼ suan hi a,

ROM (Romans) 9:3

Hi thei ding hileh amauteʼ hoih nadingin keimah in Pasianʼ samsiatna thuakin Khris tawh kikhen nading ciang dong nangawnin amaute ka huh nuam hi.

ROM (Romans) 9:5

le a thupi pupiteʼ suanlekhakte hi uh a, leitung si le sa tawh kisai-in Khris zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Thu-hilhkikna 27:16

“‘A nu ahi a, a pa ahi zongin a zahtak lo mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Jeim 4:10

Topa mai ah kiniamkhiat un. Tua hileh amah in hong lian bawl ding hi.

Jeim 4:7

Tua ahih manin Pasianʼ thu na mang un. Dawimangpa na nial un. Nial le-uhcin no kiang panin tai khia ding hi.

1 PETER MASA 5:6

Pasian in ama hoihsak hun ciangin note hong lap toh theih nadingin a thahat Pasianʼ khutnuai ah kiniamkhiatin na om un.

Mangmuhna 22:6

Tua ciangin vantungmi in kei kiangah, “Hih thute muantaak a, thuman ahi hi. Kamsangte tungah a Kha Siangtho a pia Topa Pasian in a hong piang baih ding thute, a nasemte tungah a lak dingin a vantung mite a hong sawl hi,” hong ci hi.