Hebru 12:15 - Tedim Bible Revision 2017

¹⁵ Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Tedim Bible

¹⁵ Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

Hebru 12:15 Iomraidhean Croise

1 KUMPI MASATE 14:16

Tua ciangin ama khialhna le Israel-te a khialhsakna ahi Jeroboamʼ khialhna hangin amah in Israel nusia ding hi,” a ci hi.

Paikhiatna 32:21

Moses in Aaron kiangah, “Amauteʼ tungah khialhna lianpi khat na tunpih nadingin hih mite in nangʼ tungah bang hong gen uh ahi hiam?” a ci hi.

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

1 KORIN MASA 10:12

Lungkip takin ka om zo hi, ci-in a kingaihsun mite a puk khak loh nadingun kikem uh hen.

1 KORIN MASA 13:8

Itna pen a tawntungin a kip ahi hi. Thuhilh siamna a om tei hangin tawl khat sung bek kimangin, pau lamdang pau theih siamnate a om hangin bei dinga, thutheih siamna a om hangin maimang ding hi.

1 KORIN MASA 15:33

Sanggamte aw, miʼ khem sa-in ta kei un. Kikholhpih hoih lote in mi siasak thei hi.

1 KORIN MASA 5:6

Note lakah hih bang gamtatna om napi-in na kisaktheih uh dahhuai mahmah hi. Silngo them khat in annel lompi a pawmsak theih lamtak thei lo na hi uh hiam?

2 KORIN NIHNA 13:5

Thu um taktak mah ihi hiam, ci-in nomau mahmah ki-entel un. Na ki-ettelna uh ah a cingtaak lo na hih kei nak-uh leh note sungah Jesu Khris om ahih thu thei un.

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

Galati 2:13

Thu um Jew midangte zong hong meidawi suah a, amauteʼ gamtatna hangin Barnabas nangawn meidawi-in amaute bangin hong gamta hi.

Galati 5:4

Thukham zuihna hangin Pasian tawh kipawl theih nading a hanciamte pen Khris tawh a kikhen na hi uh a, Pasianʼ hehpihna in note hong huam thei lo hi.

Efesa 5:3

Note pen Pasianʼ mi na hih manun note lakah nulepa khialhna, a kilawm lo-a gamtatna, huaihamna cihte genin zong na nei vet kei un.

Thu-hilhkikna 29:18

Note lakah numei ahi a, pasal ahi a, innkuan ahi a, minam khat ahi zongin, tua minamteʼ pasian a bia dingin Topa i Pasian kiang panin tu ni-in a lungsim a hei khia a om khak ding kidawm un. Tua hikeileh note lakah gu a nei gah kha a gah singkung hong bang dinga, hih kiciamna kammalte za napi-in a lungsim ah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih le misia, a kibangin phiat khiatna hong suaksak ding hi.

Thu-hilhkikna 32:32

Amaute, Sodom le Gomorrah bangin siahuai uh a, gu nei-in a kha leenggah a gah leenggui tawh kibang uh hi.

Thu-hilhkikna 4:9

“Na mit un a muh sa nate na nuntak sungun mangngilh kha-in, na lungsim panun paikhia kha ding ahih manin limtakin ngaihsunin hoihtakin kikem un. Horeb-a Topa na Pasian uh mai ah na din ni-un Topa in kei kiangah, ‘Leitungah a nuntak lai teng uh amaute in kei hong kihtak nading le amaute in a tate uh a hilh sawn theih nadingun keimah in amaute tungah ka thute ka zaksak theih nadingin ka kiangah mite hong khawm in,’ hong cihna thu, na tate uh le na tate uh tateʼ tungah kitheisak un.

Kolose 3:5

Tua ahih manin nulepa mawhna, a kilawm lo gamtatna, hukna lanna, a hoih lo lunggulhna le milim biakna nam khat ahih manin huaihamna ahi note sungah a om leitung lungsimte na sisak un.

Titu 1:15

Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lut lah na suahkhak loh nadingun lau-in kidawm ni.

Hebru 4:11

Tua ahih manin amaute in a up loh manun Pasianʼ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Joshua 6:18

Ahih hangin suksiat dingin a kiseh nate panin nomau mah na kikem ding uh hi. Tua hikeileh tuate na suksiat ding uh ciangin a kisusia ding nate khat peuhpeuh iplahin la kha-in Israel-teʼ giahphual sungah siat nading na khat suaksakin haksatna na tun kha ding uh hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

2 PETER NIHNA 2:18

Amaute kiphasakin hai pau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

2 PETER NIHNA 3:11

Hih nate khempeuh hih bangin kisusia mang khin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasianʼ deihna bangin na gamta unla,

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.