Hebru 12:1 - Tedim Bible Revision 2017

¹ Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.

Tedim Bible

¹ Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Hebru 12:1 Iomraidhean Croise

JOB (Job) 8:10

Amaute in nang hong hilhin, a thu hong genin, amauʼ phawk sa thute hong gen ding hi lo ahi hiam?

Late 18:23

Ama mai ah kawkbaang het loin ka om a, kisuanna dingte panin kei ka kikem hi.

Isaiah 60:8

Meiipi leeng bangin hong pai henhan hih teembawte, vakhute a buk ah a leeng bangin a hong leeng henhante kuate ahi hiam?

Ezekiel 38:16

khuapi huih in gam sung a nawk gawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lah theih nadingin keima gam a sim dingin kong sawl ding hi.

Ezekiel 38:9

Nang le na galkap honpite le nang hong pawlpih minam tampite in khuapi huih bangin na sim gawp ding uh a, meiipi bangin a gam sung khempeuh na tuamcip ding uh hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Mattiu 24:13

Ahi zongin a bei dongin a thuak zote in hotkhiatna ngah ding uh hi.

Marka 10:50

Amah in zong a puan lawn khia a, ding to pahin Jesu kiangah a pai hi.

Luka 12:15

Tua ciangin Jesu in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzah ta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Luka 16:28

Inn ah nau pasal nga ka nei lai a, keʼn gim ka thuakna hih lai munah hong tun khak loh teitei nadingun keiʼ gamtat bangin a gamtat loh nadingun hong hilhsak hen,’ a ci hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Johan 3:32

Amah in a muh sa leh a zak sa thu a gen hi napi-in kuamah in ama thugen um lo uh hi.

Johan 4:39

Tua numei in, “Ka gamtatna sate khempeuh hong thei hi,” ci-in a thugenna hangin tua khua sunga om Samaria mi tampi tak in Jesu a um uh hi.

Johan 4:44

Jesu mahmah in zong, “Kamsang a kuamah peuh ama gamah kipakta ngei lo hi,” ci-in a gen ngei hi napi-in,

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

ROM (Romans) 2:7

Pahtakna, minthanna le hin tawntungna deihin a gamtat hoih tawntung mite tungah Pasian in nuntak tawntungna pia dinga,

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Galati 2:2

Pasianʼ hong sawlna tawh tua lai ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

Galati 5:7

A beisa hunah hoihtakin a gamtate na hi uh hi. Tu-in a manin na gamtat loh nadingun kua in lam hong pialsakin Pasianʼ thu hong mang losak ahi hiam?

Efesa 4:25

Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.

Filippi 1:30

Tua ahih ciangin tu-in note in na hong muh uh ka galdona le tu mahmah in ka do lailai na zak uh thute ah kei na hong do pih thei ding uh hi.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khris hong paikik ni ciangin kei ka kisial thei ding hi.

2 TIMOTI NIHNA 2:4

Galkap a sem lai mipa in ama tungah a om bupa a lungkimsak theih nadingin na sem ahih manin tualsung miteʼ nasep tawh thuah khawm lo hi.

2 TIMOTI NIHNA 4:7

Kidemna ah ka hat tawpin ka hih khin a, a mong dongin ka tai khin a, upna thu kho takin lenin ka zo khin hi.

Hebru 6:15

Abraham in lungduai takin na ngak ahih manin Pasianʼ thuciam a ngah hi.

Jeim 1:3

Tua bangin na upna uh hong kize-etna na thuak zawh uh ciangin na kipna uh hong kilangsak ahihna thu na thei uh hi.

1 PETER MASA 2:1

Tua ahih manin gitlohna, zuauna, kineihkhemna, huaihamna le kigensiatnate na omsak nawn kei un.

1 PETER MASA 4:2

Tua ahih manin tu a kipanin na leitung nuntak sung uh mihingteʼ deihna bangin gamta loin Pasianʼ deihna bangin na gamtat ding uh ahi hi.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

1 PETER MASA 5:12

Thu upna sungah mi citakin ka ngaihsut Silasʼ huhna tawh hih lai tomno gelhin amah ka hong puasak hi. Hih thute pen Pasianʼ hong hehpihna taktak hi, ci-in teci pangin note ka hong hanthawn hi. Tua ahih manin hih thute ah kipin om un.

2 PETER NIHNA 1:6

na thutheihna uh pumpi ki-uk zawhna tawh na behlap unla, na pumpi ki-uk zawhna uh thuak zawhna tawh na behlap un; na thuak zawhna uh Pasianʼ deih bangin gamtatna tawh na behlap unla,

Mangmuhna 1:9

Noteʼ sanggam keimah Johan in Jesu tawh kipawlna hangin note mah bangin bawlsiatna thuakin, Pasianʼ Ukna sungah omin, lungduai takin a thuak mipa ka hi hi. Pasianʼ thu le Jesuʼ hong gen thumante ka genna hangin Patmos a kici tuikulh-ah kei hong kikoih hi.

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.