Hebru 11:6 - Tedim Bible Revision 2017

⁶ Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Tedim Bible

⁶ Upna loin Pasian kilungdamsak zo lo hi. Bang hang hiam na cih uh leh, Pasian kiang a nai mi-in Pasian a om hi cih ahi zongin, cihtakna tawh amah a zong mite amah in thaman a piapa hi cih ahi zongin a um ding hi.

Hebru 11:6 Iomraidhean Croise

Piancilna 15:1

Hih thute khit ciangin mang sungah Topaʼ thu Abramʼ tungah hong tunga, “Abram aw, lau kei in. Keimah in lauhuaina panin nang ka hong hu dinga, na thaman lian mahmah ding hi,” a ci hi.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

JOB (Job) 21:14

“Migilote in Pasian nawlkhiin uh a, Pasian in amauʼ nuntak ding a deihsakte thei nuam lo uh hi.

Late 106:24

Amaute in gam nuam simmawh uh a, ama thuciamna um lo uh hi.

Late 119:10

Ka lungsim khempeuh tawh nang ka hong zong hi. Na thupiaknate panin kei hong pialsak kei in.

Late 58:11

Mite in, “Thuman mi ading noptuamna om taktak a, leitung thu a khen Pasian khat om taktak hi,” ci ding uh hi.

Late 73:28

Ahih hangin kei adingin Pasianʼ kiangah om ding a hoih ahi hi. Na sepnate khempeuh ka gen theih nadingin Topa Pasian kong bel hi.

Late 78:22

Bang hang hiam cih leh amaute in Pasian um lo uh a, a hon khia zo dingin muang lo uh hi.

Late 78:32

Hih nalamdangte khempeuh a om khin hi napi-in amaute khial lai veve uh a, ama nalamdangteʼ hangin amaute in um tuan lo uh hi.

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Paunak 8:17

Kei hong itte ka it a, kei hong zong peuhmahte in hong mu uh hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 7:9

Efraimʼ lutang, Samaria hi a, Samariaʼ lutang, Remaliahʼ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amauteʼ lakah ka hih sa limte om napi-in, amaute in bang tanvei hong um lo lailai ding ahi uh hiam?

Gamlak-vakna 20:12

Ahi zongin Topa in Moses le Aaron kiangah, “Israel miteʼ mai ah kei hong um lo, hong siangthosak lo na hih uh ciangin amaute ka piak sa leitang ah hih mihonte na tunpih kei ding uh hi,” a ci hi.

Mattiu 11:26

Pa aw, hih pen nangma deihna le na lungkimna bangin na hih ahi hi.

Mattiu 5:12

Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Mattiu 6:16

“An na tan uh ciangin a kineihkhem mite bangin mai khingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan thaman uh a ngah khinta ahih lamtak limtakin thei un.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Mattiu 6:5

“Note in thu na nget uh ciangin miteʼ muh theih dingin a kineihkhem mite in kikhopna inn sung le kongzing lamka lai ah a nget nop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Marka 16:17

A um mite tungah hih vangliatna limte kipia ding hi: Keima hangin dawi hawl khia thei ding uh a, pau dangte pau thei ding uh hi.

Luka 12:31

Tua ahih manin Pasianʼ Ukna ngaihsutin nei masa zaw un. Tua hileh hih na kisapna dangte uh zong Pasian in hong pia thuah ding hi,” a ci hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian dinga, a Lianpen Pasianʼ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 8:24

Kei pen, ‘Kei ka hih lam na hong up kei uh leh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

ROM (Romans) 10:14

Ahi zongin a up loh pa uh tungah kua in thu ngen thei ding ahi hiam? Ama thu za ngei kei leh kua in a thu um thei ding ahi hiam? Ama thu kigen kei leh kua in za thei ding ahi hiam?

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Hebru 11:26

Mai lamah a thaman ding mukhol thei ahih manin Egypt gam sunga hauhna le nopsaknate khempeuh sangin Khris hangin simmawhna thuak taak zaw tham hi, ci-in a ngaihsun hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thu zak uh amaute adingin a phattuamna om lo hi.

Hebru 4:6

Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawl khat om lai hi.

Hebru 7:19

Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

2 PETER NIHNA 1:5

Hih thu hangin na upna ban uh ah gamtat hoihna na behlap unla, na gamtat hoihna uh thutheihna tawh na behlap un;

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Ruth 2:12

Topa in na gamtatna sate a pha tawh hong thuk a, a liim nuai beel dinga na paina Israel-teʼ Pasian, Topa in thaman a cingin hong pia ding hi,” a ci hi.