Hebru 11:4 - Tedim Bible Revision 2017

⁴ A upna hang mah tawh Abel in Kainʼ piakna sangin a san theih huai zaw biakpiakna Pasianʼ tungah a na pia hi. Pasian in ama biakna na sang ahih manin a upna hangin mihoih hi, ci-in Pasianʼ pahtakna a na ngah hi. Abel a sih zawh a sawtpi hi khin napi-in tu dong mahin upna thu a hong gengen lai a suak hi.

Tedim Bible

⁴ Abel in Kain’ biakna sangin a hoihzaw biakna, upna tawh Pasian a bia hi. Tua ahih ciangin dik hi ci-in teci pan’na a ngah hi. Bang hang hiam na cih uh leh, ama piaknate Pasian in a sang hi. Tua ahih ciangin Abel in a si napi-in a upna hangin thu a hilh lai hi.

Hebru 11:4 Iomraidhean Croise

Piancilna 4:10

Topa in, “Bang hangin hici gamtat na hi hiam? Na sanggampaʼ sisan, leilak panin kei tungah hong kiko hi.

Piancilna 4:15

Tua ciangin Topa in ama kiangah, “Tua bang hi lo ding hi. Khatpeuh in Kain a thah leh tua pa tungah a zah sagihin kithuk ding hi,” a ci hi. Amah a tuak peuh in a thah khak loh nadingin Topa in Kainʼ tungah ciaptehna khat a koih hi.

Piancilna 4:25

Adam in a zi luppih leuleu hi. Amah in tapa khat nei a, a min Seth ci hi. Bang hang hiam cih leh, “Kain in Abel that ahih manin Abelʼ tangin Pasian in kei adingin naupang khat hong sehsak hi,” amah in ci hi.

Piancilna 4:8

Kain in a sanggampa Abel kiangah, “Gamlak ah vak ni,” ci hi. Amaute gamlak ah a om ciangin Kain in a sanggampa Abel a that hi.

1 KUMPI MASATE 18:38

Tua ciangin Topaʼ meikuang hong kia a, a meihal biakna, a sing, a suangte le a leivui kangtumin, hawklam sunga om tui nangawn kangcip hi.

JOB (Job) 8:10

Amaute in nang hong hilhin, a thu hong genin, amauʼ phawk sa thute hong gen ding hi lo ahi hiam?

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Paunak 21:27

Topa in migiloteʼ biakpiaknate deih lo a, ngimna hoih lo tawh a piakte uh deih lo zaw kan lai hi.

Siampi Laibu 9:24

Topaʼ mai panin mei hong piang khia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kun suk uh hi.

Mattiu 23:35

Tua thu hangin, mawhnei lo Abel a kithah hun a kipanin biakinn le biakna tau kikal a na thah uh, Barakhiahʼ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Keʼn kong cih in ah, hih thute khempeuh hangin tu hun a mite gim hong kipia taktak ding hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

Hebru 11:2

Tanglai mite in upna a na neih manun Pasian in a na pakta hi.

Hebru 12:1

Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.

Hebru 12:24

thuciamna thak a hong vaihawm Jesu kiang, Abelʼ sisan sangin thu hoih zaw a gen sisan a kithehna mun na tung zo uh hi.

Hebru 5:1

Siampi lianpen ahi peuhpeuh mipa pen a miteʼ mawhna hangin Pasianʼ tungah biakna le letsong a piaksak dingin ama mipihte lak panin kiteelin nasep a kiguan ahi hi.

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

2 PETER NIHNA 2:8

Tua mihoih pa, amaute lakah teeng a, nisimin amauteʼ gamtat hoih lohnate za-in mu tawntung ahih manin lunggim mahmah hi.

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.