Hebru 11:36 - Tedim Bible Revision 2017

³⁶ Mi pawl khat in simmawhna, satna, sikkol bulhna le thongkiatna zong a thuak uh hi.

Tedim Bible

³⁶ Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Hebru 11:36 Iomraidhean Croise

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topaʼ biakinn sungah kol a bulh hi.

Piancilna 39:20

Josefʼ topa in amah manin kumpipaʼ thongkiate a kikhumna thong sungah amah koih a, tua thong sungah amah om hi.

2 KHANG TANGTHU NIHNATE 30:10

Tua ahih ciangin Efraim le Manasseh gam sung khuapi khat pan khuapi khat le Zebulun ciang dongah laitaite a pai uh hi. Ahih hangin amaute in na nuihsanin zahpih uh a, na simmawh bawl uh hi.

Hebru 10:34

Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Mattiu 23:34

Note kiangah kamsangte, mipilte le siate ka hong paisak ding hi. Note in pawl khatte thatin, pawl khatte singlamteh tungah khai-in, pawl khatte na kikhopna uh inn sungah na sat ding uh a, khua khat pan khua khat ah a banbanin na bawlsia ding uh hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hat zaw a, keimah nong zo hi. Nisimin miteʼ nuihsat lel ka suak a, mi khempeuh in kei hong zahko uh hi.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh a gimsak hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

2 TIMOTI NIHNA 1:16

Onesiforas in tam veipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew miteʼ pahtak ding ut ahih manin thong sungah Paul a omsak suak hi.

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

Sawltak 8:3

Ahi zongin Saul in pawlpi suksiat ding hanciam a, inn khat pan inn khat ah pai kawikawi-in, thu um numei le pasalte kai-in thong sungah a khia hi.

Sawltak 5:40

Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Sawltak 5:18

Tua ahih manin sawltakte manin thong sungah a khum uh hi.

Sawltak 4:3

Tua ahih manin amau tegel man uh a, ni tum kuan ta ahih manin a zing ciang dong thong sungah a khum uh hi.

Luka 23:36

Galkapte in zong zahpih bawl uh a, a kiangah hong pai-in leenggahzu thuk pia uh a,

Luka 23:11

Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Luka 18:32

Pasian in Gentail miteʼ khut sungah amah ap dinga, amaute in zahpihin, simmawhin, cilphih ding uh hi.

Marka 10:34

Tua mite in amah simmawh bawlin, cilphihin, satin a that ding uh hi. Ni thum khit ciangin amah thokik ding hi,” a ci hi.

Mattiu 27:26

Tua ciangin amauteʼ deihna bangin Barabbas khah a, Jesu ahihleh a sat khit ciangin singlamteh tungah thah dingin a pia khia hi.

Mattiu 21:35

Lo khawhlawhte in a nasemte na manin khat na sat gawp uh a, khat na thatin, khat suang tawh na deng gawp uh hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Jeremiah 38:28

Tua hi a, Jerusalem khua a kilak ciang dong kei zong thong huang sung mahah ka om lai hi.

Jeremiah 36:6

nang va pai inla, an tan ni ciangin Topaʼ biakinn sungah a om mi khempeuhteʼ zak dingin ka hong sit hih laizial sungah na at Topaʼ kammalte na va sim ding hi. Amauʼ khuapite pan a hong paikhia Judah mi khempeuhteʼ zakin zong na sim ding hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topaʼ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kiasakin kol na bulh ding hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

2 KUMPI NIHNATE 2:23

Amah tua lai panin Bethel ah pai to hi. Lampi ah a pai toh laitakin khuapi panin naupang neu pawl khat hong pai khia-in amah zahko uh a, “Pai to in, nang lukolh pa” a ci uh hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

1 KUMPI MASATE 22:24

Tua ciangin Khenaanahʼ tapa Zedekiah a nai ah hong pai-in Mikaiah a paang bengin, “Nangʼ tungah thu a gen dingin Topaʼ kha in cikin kei hong nusia-in nang kiang hong tung ahi hiam?” a ci hi.

Thukhente 16:25

A lungsim uh a nop ciangin amaute in, “Eite adingin a kimawl theih nadingin Samson sam un,” a ci uh hi. Tua ahih ciangin amaute in thong panin Samson sam khia-in amauʼ mai ah mawlpih uh hi. Khuampite kikalah amah kidingsak hi.

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Jeremiah 32:8

Tua ciangin Topaʼ hong cihna bangmahin thong sungah ka innlak sanggampa hong pai takpi-in hong hopih a, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding le a tan khia ding nangmah na hi hi. Nang adingin lei in,’ hong ci hi. Tua ciangin keimah in Topaʼ hong hopihna taktak hi, ci-in ka thei hi.

Jeremiah 39:15

Thong huang sungah kikhumcipin ka om laitakin Topa in hong hopih a,

2 KHANG TANGTHU NIHNATE 18:26

Tua ciangin, ‘Hih bangin kumpipa in ci hi: Hih mipa thong sungah koih unla, lungnuam takin kong ciahkik mateng anletui tawmno bek tawh vak un, ci hi,’ ci un,” a ci hi.

Daniel 11:33

Pilna a nei mite in a pilna uh midang tampite tawh a neikhawm ding uh hi. Ahih hangin tawl khat sung mi pawl khat in gal sung a sihna le meikuang sunga thahna a thuak ding uh hi. Mi pawl khatte in lawk gawpna le thongkiatna a thuak ding uh hi.