Hebru 11:34 - Tedim Bible Revision 2017

³⁴ meikuangpi mitsak thei-in, sih nading panin suakta uh a, gina lo napi-in thahat uh a, gal sungah thahatin gamdang galkapte a zo gawp uh hi.

Tedim Bible

³⁴ meikuang a mitsak uh hi, namsau mai-ah a suakta uh hi, thanemna pan a thahat uh hi, galdona-ah a hang uh hi, gamdang galkapte a taisak uh hi.

Hebru 11:34 Iomraidhean Croise

1 KUMPI MASATE 19:1

Ahab in Jezebel kiangah Elijahʼ hih khempeuh le namsau tawh kamsangte khempeuh a thah khitna thu a gen hi.

1 KUMPI MASATE 19:3

Tua ciangin amah lau a, kithawi-in a suahtak nadingin paikhia a, Judah-teʼ khua Beer-sheba tungin tua lai ah a nasem pa nusia hi.

2 KUMPI NIHNATE 6:1

Ni khat, kamsangte khat in Elisha kiangah, “Thei in, nangma khutnuai-a om koteʼ teenna mun kote adingin neu lua hi.

2 KUMPI NIHNATE 6:32

Elisha a inn sungah tu a, upate amah tawh tukhawm uh hi. Tu-in kumpipa in ama omna panin mi khat sawl khia hi. Ahih hangin kamtai pa a tun ma-in Elisha in upate kiangah, “Hih mi that pa in ka lutang a tan khia dingin hong sawlna na mu uh hiam? En un, kamtai pa hong tun ciangin kong khak unla, ama lang khat ah khauh takin kongkhak lencip un. Ama nungah a topaʼ kheging hong kiza hi lo ahi hiam?” a ci hi.

JOB (Job) 42:10

Job in a lawm thumte ading thu a ngetsak khit ciangin, Topa in Job cithei sakkik a, nidang a a neih ngei zah nihin neihsa lamsa a guan hi.

JOB (Job) 5:20

Kialpi sungin sih nading pan nang hong hon khia dinga, gal sungah namsau panin nang hong suaktasak ding hi.

Late 124:7

Thangsiahteʼ thangzak panin vasa a suahtak bangin eite i suakta hi. Thangkhau kibot tat a, eite i suakta khinta hi.

Late 144:10

Kumpite tungah gualzawhna a pia pa, na nasem David a hon khia pa na hi hi.

Late 6:8

Siatna a bawlte khempeuh aw, ka kiang panin kihem khia un; bang hang hiam cih leh Topa in ka kahna aw a za hi.

Late 66:12

Ka galte uh nong tuancilsak a, tui le mei lauhuainate ka thuak uh hi. Ahih hangin nangmah in a tanzau munah kote nong paipih hi.

Paikhiatna 18:4

A dang khat min Eliezer ahi hi. (Bang hang hiam cih leh amah in, “Ka paʼ Pasian pen keimah hong huhpa hi a, Faroʼ thah nading panin kei hong hon khia hi,” ci hi.)

Isaiah 43:2

Tuite na kantan ciangin nang kong ompih dinga, gunte na kantan ciangin tui in hong tuum lo ding hi. Mei kantanin na pai ciangin na kaang kei dinga, meikuangte in nang hong kaang tum lo ding hi.

Jeremiah 26:24

Ahih hangin Shafanʼ tapa Ahikam in Jeremiah hu ahih manin thah dingin miteʼ khut sungah kipia lo hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

1 PETER MASA 4:12

Ka itte aw, noteʼ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un.

Thukhente 15:8

Amah in amaute dawm loin tampi that a, tua ciangin pai sukin Etam suanghawm sungah a om hi.

1 SAMUEL MASA 18:11

Saul in a teipi-in David nih vei a khawh hi; bang hang hiam cih leh, “Kawm tawh David ka khawhcip ding hi,” ci-in ngaihsun hi. Ahih hangin David in a nih vei mahin na pelh thei hi.

1 SAMUEL MASA 19:10

Saul in a teipi-in kawm tawh David khawhcip dingin khawh a, ahih hangin amah in na pelh a, kawm tungah a teipi kiphut hi. Tua ciangin David tai-in a suakta hi.

1 SAMUEL MASA 20:1

Tua ciangin Ramah khua sung Naioth veeng panin David tai-in, Jonathan kiangah hong tungin ama mai ah, “Bang hih ka hi hiam? Ka mawhna bang ahi hiam? Amah in kei thah dingin hong zon nadingin na paʼ mai ah ka khialhna bang om ahi hiam?” a ci hi.