Hebru 11:16 - Tedim Bible Revision 2017

¹⁶ Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Tedim Bible

¹⁶ Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Hebru 11:16 Iomraidhean Croise

Piancilna 26:24

Tua zan mahin ama tungah Topa kilang a, “Kei pen na pa Abrahamʼ Pasian ka hi hi. Lau kei in; bang hang hiam cih leh ka nasem pa Abrahamʼ huhau-in nang tawh kong om a, nang le na suanlekhakte thupha hong pia-in kong pungsak ding hi,” a ci hi.

Piancilna 28:13

En in, tua sanah Topa dinga, “Kei pen na pa Abrahamʼ Pasian le Isaacʼ Pasian, Topa ka hi hi. Nang le na suanlekhakteʼ tungah tu-a na lupna leitang kong pia ding hi.

Paikhiatna 3:15

Pasian in Moses kiangah, Hih thu Israel mite tungah gen in: ‘Topa, na pate uhʼ Pasian, Abrahamʼ Pasian, Isaacʼ Pasian le Jakobʼ Pasian in note kiangah kei hong sawl hi,’ ci in. Hih pen keima min hi tawntung ahih manin kei pen khang tawntungin phawk ding ka hi hi.

Paikhiatna 3:6

Tua ciangin amah in, “Kei pen na paʼ Pasian, Abrahamʼ Pasian, Isaacʼ Pasian le Jakobʼ Pasian ka hi hi,” a ci hi. Tua ciangin Moses in Pasian a muh ding lau ahih manin a maitang a hum hi.

Paikhiatna 4:5

Tua ciangin amah in, “Amaute in a up theih nadingun Topa, amauteʼ Pasian, Abrahamʼ Pasian, Isaacʼ Pasian le Jakobʼ Pasian, nangʼ tungah hong kilang khinzo hi,” a ci hi.

Jeremiah 31:1

“Topa in kong cih in ah, tua hun ciangin kei pen Israel mi khempeuhteʼ Pasian ka hi dinga, amaute pen keima mite ahi ding uh hi,” a ci hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Marka 12:26

Thawhkikna thu tawh kisai-in ci lehang, Mosesʼ laigelhna sung sawlpang kuang thu a genna munah Pasian in Moses kiangah, ‘Kei pen Abrahamʼ Pasian, Isaacʼ Pasian, Jakobʼ Pasian ka hi hi,’ a cihna mun sim ngei lo na hi uh hiam?

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Luka 12:32

Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.

Luka 20:37

Tua tham loin Moses in zong misite a thawhkikna thu teltakin hong lak hi. Sawlpang kuang thu a genna munah Topa pen, ‘Abraham Pasian, Isaac Pasian, Jakob Pasian,’ ci-in a na gen hi.

Johan 14:2

Noteʼ om nading mun a bawl khol dingin a pai ding ka hi hi. Ka Paʼ inn sungah om nading mun tampi om hi. A om lo ding hileh hih bangin thu kong gen kei ding hi.

Sawltak 7:32

‘Kei pen na pu na pate uh ahi Abraham, Isaac le Jakob-teʼ Pasian ka hi hi,’ a na ci hi. Moses zong lau-in liing gawp a, en ngam lo hi.

Filippi 3:20

Ahi zongin eite ihih leh vantung gam mite ihi a, vantung panin a hong pai ding Topa Jesu Khris, eiteʼ Honpa, lawptakin a ngakte ihi hi.

2 TIMOTI NIHNA 4:18

Topa in siatna khempeuh panin kei hong hon khia dinga, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

Hebru 10:34

Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Hebru 11:10

Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Hebru 11:14

Tua bang mite in amau adingin a gam a lei ding uh a zong ahihna uh hong kilang hi.

Hebru 11:40

Bang hang hiam cih leh Pasian in eite adingin a hoih zaw-in thu hong vaihawmsak a, amaute tawh eite i kikop ciangin amaute a cingtaak ahih theih phing nading uh Pasianʼ geelna ahi hi.

Hebru 12:22

Ahi zongin note pen Zion Mual, a nungta Pasianʼ khuapi, vantung Jerusalem, sim zawh loh vantung mite a omna,

Hebru 13:14

Eite adingin hih leitungah a kip khuapi om lo ahih manin a hong piang lai ding khuapi a zong ihi hi.

Hebru 2:11

Mawhna panin mite a siangthosak pa le sianthosakna a ngah mite in, Pa, a kibang a neikhawm uh hi. Tua hi a, Jesu in mite, “Sanggam,” a cih ding zum ngaihsut lo ahih manin,

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong pai suk ka mu hi.