Hebru 11:12 - Tedim Bible Revision 2017

¹² A cimang khinin a kingaihsun hih mi khatʼ suanlekhakte pen van a aksi zah leh tuipi gei-a sehnel zahin a tam hi.

Tedim Bible

¹² Tua ahih ciangin mi si tawh a kibang dektak, mi khat bek ahi Abraham panin a kisim ciangin aksi zah ahi zongin, tuipi gei-ah a kisim zo lo sehnelte zah ahi zongin tampite a suak uh hi.

Hebru 11:12 Iomraidhean Croise

Piancilna 15:5

Amah in a pua lamah paipih a, “Vantung lam enin aksite sim in; na sim thei hiam?” a ci hi. Tua ciangin amah in, “Na suanlekhakte, tua mah bang ding hi,” a ci hi.

Piancilna 22:17

Nang thupha kong pia taktak dinga, na suanlekhakte van a aksite le tuipi gei-a sehnel bangin tampi ka phasak ding hi. Na suanlekhakte in amauʼ galteʼ khuapite luah ding uh a,

Piancilna 26:4

Na suanlekhakte van a aksi bangin tampi ka phasak dinga, na suanlekhakte tungah hih leitang khempeuh ka pia ding hi. Na suanlekhakte thupha ka piak bangin leitung minam khempeuh in thupha a ngah nadingun hong ngen ding uh hi.

Piancilna 32:12

Ahih hangin nangmah in, ‘Na tungah hoihna kong bawl dinga, na suanlekhakte tuipi sehnel zahin a honpi a kisim thei loin ka bawl ding hi,’ nong ci hi,” a ci hi.

2 SAMUEL NIHNA 17:11

Ahih hangin keima ngaihsutna hih bang ahi hi: Dan panin Beer-sheba ciang dong, tuipi gei-a sehnel bangin a tam Israel mi khempeuh nang kiangah khawmin galsim dingin nang mahmah na kuan ding hi.

1 KUMPI MASATE 4:20

Judah mi le Israel mi tuipi gei-a sehnel bangin tam uh a, amaute in an ne tui dawnin lungdam uh hi.

1 KHANG TANGTHU MASATE 27:23

Israel mite vantung aksi zahin a tamin a bawl nading Topa in thu ciam khin ahih manin David in kum sawm nih le a nuaisiah mite sim lo hi.

Nehemiah 9:23

Nangmah in amauʼ suanlekhakte van a aksi zahin sim zawh lohin na tamsak a, a pu a pate un a luah dingin na piak dingin na ciam sa gamah amaute na paipih hi.

Paikhiatna 32:13

Amauteʼ tungah nang mahmah kiciamin, ‘Na suanlekhakte uh vantung aksi bangin tamsakin, keimah in ka ciam sa hih leitang khempeuh na suanlekhakte uh tungah ka pia dinga, amaute in luah tawntung ding uh hi,’ na cihna na nasemte Abraham, Isaac le Israel phawk in,” a ci hi.

Isaiah 10:22

Na mi Israel-te, tuipi sehnel zah a phak hangin amaute tawm khat bek hong ciahkik ding hi. Amauteʼ thuak dingin a kilawm bangin thu a kikhen ahi hi.

Isaiah 48:19

Na tu le na tate sehnel zah pha dinga, na suanlekhakte sehnel vui zah pha ding hi. Keima mai ah amauteʼ min kiphiat khia lo dinga, kisusia ngei lo ding hi, a ci hi.

Jeremiah 33:22

Van a aksite kisim zo loin, tuipi a sehnelte a kiteh zawh loh bangin keimah in ka nasem pa Davidʼ suanlekhakte ahi a, siampi Levi minamte ahi zongin ka pungsak den ding hi,” hong ci hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasianʼ tate,” kici ding hi.

Habakkuk 1:9

“A susia gawp dingin hong kuan khia uh a, a sukkhak ding uh mi khempeuh lau mahmah uh hi. A galmatte uh tam mahmah a, sehnel zahin kisim zo lo hi.

ROM (Romans) 9:27

Isaiah in Israel miteʼ thu a genna ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Thu-hilhkikna 1:10

Topa na Pasian un note tampi hong phasak zo hi. En un, note tuhunin vantung aksite zahin tampi na pha uh hi.

Thu-hilhkikna 28:62

Note, vantung aksite zahin a tam na hihna sung uh ah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Joshua 11:4

Tua ciangin amaute tampi a pha a galkap honpite tawh, a tam mahmah sakolte le leengte tawh, tuipi gei-a om sehnel bangin tampi tak hong kuan khia uh hi.

Mangmuhna 20:8

Gog le Magog a kici leitung gam khempeuh ah a om minam khempeuh a khem dingin kuan khia ding hi. Satan in a galsim pih dingin tuipi gei-a sehnel zahin a tam mihonpi kaikhawm ding hi.

Thukhente 7:12

Midian mite, Amalek mite le Nisuahna lam mite khempeuh kauphe bangin tamin kuam dungah om uh hi. A kalaohte uh sim zawh hi lo a, a tamna pen tuipi gei-a sehnel omzah bang ahi hi.

1 SAMUEL MASA 12:5

Tua ciangin amah in amaute kiangah, “Note in kei tungah bangmah na muh lohna thu uh Topa pen noteʼ lang khat ah teci hi a, ama sathau nilh pa zong tu ni-in teci ahi hi,” a ci hi. Tua ciangin amaute in, “Hi mah hi; Topa, i teci ahi hi,” a ci uh hi.