Hebru 11:11 - Tedim Bible Revision 2017

¹¹ Sarah a ta neih theih ding hun bei khin napi-in ama tungah thuciam pa zuau lo ding, ci-in Abraham in upna a neihna hang mahin Sarah gai-in ta a nei ahi hi.

Tedim Bible

¹¹ Sarah in a teek khit ciangin ta gai theihna thu vangliatna, upna tawh a ngah hi. Bang hang hiam na cih uh leh, thu a ciampa in thumanpa ahi ci-in a um hi.

Hebru 11:11 Iomraidhean Croise

2 KUMPI NIHNATE 4:17

Ahih hangin tua nu in naupaii a, Elisha in ama tungah a gen sa bangin a hun a tunkik ciangin amah in tapa khat a nei hi.

Luka 1:36

Na beh nu Elizabeth zong thei in. A ciing hi, kici napi-in a teek mahmah zawh nungin naupaii a, tu-in a naupaii zawh kha guk pha ta hi.

ROM (Romans) 9:8

Tua ahih manin leitung ngeina tawh a suak tate pen Pasianʼ ta hi lo a, Pasianʼ thuciamna tawh kizui-a a suakte bek suanlekhak taktakin a kisim pan hizaw hi.

Galati 4:23

Silanu tawh a neih a tapa pen leitung ngeina bangin a suak mawkmawk hi a, ahi zongin a zi tawh a neih a tapa pen Pasianʼ thuciamna tawh kizui-in a suak ahi hi.

Hebru 10:23

Pasian in piak dingin a hong ciam thu muang ngam ihih manin i lametna thu kip takin len ni.