Hebru 10:4 - Tedim Bible Revision 2017

⁴ Tua hi a, bawngtal sisan le keel sisan in mawhna siangsak zo ngei lo hi.

Tedim Bible

⁴ Bang hang hiam na cih uh leh, bawngtal’ si leh keel’ si in mawhna paaikhia zo lo uh hi.

Hebru 10:4 Iomraidhean Croise

Late 51:16

Bang hang hiam cih leh ganhing tawh biakna na deih kei hi. Meihal biakna hong pia hi taleng zong, na lungdam kei ding hi.

Isaiah 66:3

Biakna-in bawngtal a go pa in mihing zong that hi. Biakpiakna-in tuuno a go pa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amauʼ kihhuai gamtatna uh ah nuam a sa uh hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deih zaw hi.

Marka 12:33

Mite in a lungsim khempeuh, a pilna khempeuh le a hatna khempeuh uh tawh Pasian itin, amau pumpi a it bangin a veengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupi zaw takpi hi,” a ci hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

ROM (Romans) 11:27

Amauteʼ mawhna ka maisak ciangin hih ka thuciamna ka pia ding hi,” ci-in gen hi.

Hebru 10:1

Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 10:11

Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Hebru 10:8

“Ganhing le khawh sa tawh biakna na deih kei a, meihal tawh biakna le mawhmaisak nadingin biaknate tawh na lungkim kei hi,” a cih ciangin hih biakpiaknate khempeuh Thukham tawh kizui-in hih bangin kam na pau veve lai a,

Hebru 9:9

Hih bang om zia pen tu hun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia miteʼ lungsim siangsak zo lo hi.

1 JOHAN MASA 3:5

Khris pen mawhna a nei het lo hi a, miteʼ mawhna a la khia dingin Khris hong kilang ahihna thu na thei uh hi.