Hebru 10:39 - Tedim Bible Revision 2017

³⁹ Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Tedim Bible

³⁹ Eite i hih leh, kisiatna tung dingin a nungkin mite lakah i om kei hi; gupkhiatna a ngah upna a nei mite lakah i om hi.

Hebru 10:39 Iomraidhean Croise

Late 44:18

Ngiateʼ omna ah kote hong balnen gawpin, khuamial pi sungah nong paihdak ding zahin, ka lungsim uh kihei nai lo a, ka kalsuan uh lampial nai lo hi.

Paunak 1:32

Bang hang hiam cih leh thu thei lote in pilna a don loh manun sih lawh uh a, mihaite in lunghihmawhna a neih loh manun siatlawh uh hi.

Paunak 14:14

Misia in siatna thaman ngah a, mipha in phatna thaman ngah hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah dinga, a um lo mi peuhpeuh in mawhsakna thuak ding uh hi.

Luka 11:26

Tua ciangin amah pai khiakikin, amah sangin a sia zaw dawi sagih hong paipih a, a sungah lutin a teeng uh hi. Tua mipaʼ pianzia pen a masa sangin hong sia zaw hi,” a ci hi.

Johan 17:12

Amaute tawh ka om khawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa sim loh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Johan 5:24

“A mantakin kong genin ah: Ka thugennate za-in kei hong sawl pa a um khempeuh a nungta paisuak ding hi ta hi. Mawhsak thukhenna ngah nawn loin, sihna panin a hingkik ta ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

1 THESALONIKA MASA 5:9

Pasian in ama hehna a thuak dingin eite a hong teel hi lo a, i Topa Jesu Khris hangin hotkhiatna a ngah dingin a hong teel ahi hi.

2 THESALONIKA NIHNA 2:3

Ahi zongin kuama khem sa-in ta kei un. Bang hang hiam cih leh nakpi takin Pasian langpanna lianpi le hell khuk sung a tung ding ahi A Gilopa hong kilat matengin tua Ni hong tung lo ding hi.

1 TIMOTI MASA 6:9

Ahi zongin a hau nuam mite in ze-etna a tuamtuam thuak a, duhhopna, huaihamna a haivai thute ah awkcipin, haksatna le siatna a tuah lawh uh hi.

Hebru 10:26

Thuman thutak i theih khit ciangin mawhna i bawl hamtang lai leh i mawhna a kimaisak nadingin biakpiakna dang om nawn lo a,

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uh leh tua mite tungah ka lungkim kei ding hi,” na ci hi.

Hebru 11:1

Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

1 PETER MASA 1:5

Noteʼ upna hangin nitawp ni ciangin na ngah ding uh hotkhiatna nomau-aʼ ahihna a kilatsak nadingin Pasian in ama vangliatna tawh a hong kepsak ahi hi.

2 PETER NIHNA 3:7

Tu-in tua Pasianʼ kampauna mah tawh, mei tawh hal tum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama adingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna ahi lote ka cihna ahi hi. Ahi zongin sih nading zah ciang ahi mawhna om a, tuate ading ngetsak un, a ci ka hi kei hi.

1 JOHAN MASA 5:5

Kuate in leitung nate zo ding ahi hiam i cih leh, Jesu pen Pasianʼ Tapa hi, ci-in a umte bek in zo ding uh hi.

Mangmuhna 17:11

Nidangin omngei a, ahi zongin tu-in a om nawn lo ganhing pen kumpi sagihte tawh a kipawl a kumpi giatna hi a, sihna thuak dingin a pai ding ahi hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta miteʼ min a kikhumna laibu sungah leitung pian ma-in a kigelh nai lo, tu laitakin leitungah a om mite in tua ganhing a et uh ciangin lamdang sa ding uh hi.

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kiheikik a, ka thupiaknate sem lo hi,” a ci hi. Tua ciangin Samuel heh hi; zan tawntung Topaʼ tungah kiko hi.