Hebru 10:34 - Tedim Bible Revision 2017

³⁴ Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Tedim Bible

³⁴ Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Hebru 10:34 Iomraidhean Croise

Thuhilh-sia 3:6

Zonʼ hun om a, mansuah hun om hi. Kep hun om a, paihkhiat hun om hi.

Mattiu 19:21

Jesu in, “Mi cingtaak na hih nop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Luka 12:33

Na neihsa uh zuak unla, mizawngte tungah tua sumte na pia un. Note adingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei het loh nading mun vantungah na sumte uh na khol un.

Luka 9:25

Mi khat in leitung khempeuh a ngah hangin a nuntakna bulpi suplawh leh bang phattuamna om ding ahi hiam?

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

Sawltak 28:20

Israel mite in a lamet uh mipaʼ hangin sikkhau khihna thuakin thong kia mi ka suak hi. Hih thute khempeuh note kiangah hong gen nuam ka hih manin a hong samsak ka hi hi,” a ci hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

2 KORIN NIHNA 5:1

Bang hang hiam cih leh hih ka teenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote adingin a hong bawlsak inn, vantungah a nei ding ka hihna uh ka thei uh hi.

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

Efesa 6:20

Pasianʼ thu genin taangmi ka sepna hang mahin sikkhau khihna thuakin thong kia ka hih manin ka hilh dingin a kilawm bangin hang takin ka gen ngam nadingin thu hong ngetsak ta un.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Kolose 1:5

Thu dang na zak ma un, lungdamna thuman taktak na zak uh ciangin lametna na nei uh hi. Note adingin vantungah a hong kikoihsak tua lametna hangin note in muanna le itna a nei na hi uh hi.

1 TIMOTI MASA 6:19

Tua hileh mai lamah amauteʼ nuntak nading bulpi taktak ahi neihsate, amau adingin a khol mite ahi ding uh hi.

2 TIMOTI NIHNA 1:16

Onesiforas in tam veipi kei hong lungnuamsak ahih manin Pasian in a innkuan bupun hehpihna thupha pia tahen. Ka thongkiatna hangin amah maizum lo a,

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

Hebru 11:16

Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Hebru 13:14

Eite adingin hih leitungah a kip khuapi om lo ahih manin a hong piang lai ding khuapi a zong ihi hi.

Hebru 13:3

Amaute tawh thong a kia khawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

Hebru 9:15

Thuciamna masa in a huam khak mite, a mawhna panun a suahtak theih nading uh ngeina om pen a si suak khinta ahih manin, Pasianʼ sap mite in a ciam sa tawntung thupha a ngah theih nadingun Khris in thuciamna thak a hong vaihawm ahi hi.

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

1 PETER MASA 1:4

Pasian in ama mite adingin a koih thuphate i ngah nadingin lamenin i om hi. Tua thuphate sia ngei lo, nin ngei lo, mual ngei loin a om tawntungna vantungah note adingin a hong koihsak hi.

1 JOHAN MASA 3:2

Ka lawm itte aw, eiteʼ pianzia ding taktak a telin hong kilat nai loh hangin tu-in Pasianʼ tate ihi hi. Ahi zongin Khris hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.