Hebru 10:22 - Tedim Bible Revision 2017

²² Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Tedim Bible

²² eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Hebru 10:22 Iomraidhean Croise

1 KUMPI MASATE 15:3

Ama mai-a a paʼ khialhna khempeuh amah in zui hi. A pusawn David a thuman bangin Topa a Pasianʼ tungah a lungsim thuman bup lo hi.

1 KHANG TANGTHU MASATE 12:33

Zebulun mite: Amaute sung panin David a huh dingin lungsim a kikhat, hun khempeuh ah gal a kap thei, galdo nadingin galhiam khempeuh a nei mihing tul sawm nga ahi hi.

1 KHANG TANGTHU MASATE 28:9

“Tu-in nang, ka tapa Solomon aw, na paʼ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paai khia paisuak ding hi.

1 KHANG TANGTHU MASATE 29:17

Nangmah in lungsim en telin thumanna ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai ah a om na mite ka mu zo hi.

Late 111:1

Topa phat un. Lungsim thutangte a omna, mihon kikhopna sungah ka lungsim khempeuh tawh Topaʼ tungah lungdamna ka ko ding hi.

Late 119:10

Ka lungsim khempeuh tawh nang ka hong zong hi. Na thupiaknate panin kei hong pialsak kei in.

Late 119:145

Ka lungsim khempeuh tawh nang tungah kong kiko hi. Hong dawng in, Topa! Na ngeina kipte ka zui ding hi.

Late 119:2

Ama thuhilhnate zui-in, a lungsim khempeuh uh tawh amah zongin, khialhna zong bawl loin, ama lampi a zuite, thupha ngah ahi hi.

Late 119:34

Nangma thute kemin ka lungsim khempeuh tawh ka zuih theih nadingin thu theihtelna hong pia in.

Late 119:58

Ka lungsim khempeuh tawh na maipha kong ngen hi. Na thuciamna om sa bangin kei hong hehpih in.

Late 119:69

Mi kiphasakte in keiʼ thu, zuau vive gengen uh a, ahih hangin keimah in ka lungsim khempeuh tawh na thuhilhte ka zui hi.

Late 119:7

Nangmah biakna ngeina kipte ka sin khit ciangin lungsim thutang tawh nangmah kong phat ding hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in.

Late 32:11

Thumante aw, Topa tungah lungdamin kipak un. Lungsim man mi khempeuh aw, lungdamin awng un!

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Late 73:28

Ahih hangin kei adingin Pasianʼ kiangah om ding a hoih ahi hi. Na sepnate khempeuh ka gen theih nadingin Topa Pasian kong bel hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

Late 9:1

Ka lungsim khempeuh tawh Topa tungah lungdamna kong ko dinga, na bawl a lamdangte khempeuh ka gen ding hi.

Late 94:15

Bang hang hiam cih leh thutang pen thuman mite tungah hong tungkik dinga, lungsim thutang khempeuh in amah zui ding uh hi.

Paikhiatna 29:4

“Kikhopna buk kongkhak ah Aaron le a tapate na paipih dinga, tui tawh amaute na sil ding hi.

Paunak 23:26

Ka ta aw, ka thugente ciamteh inla, keima gamtat bangin nang zong gamta in.

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

Isaiah 52:15

Tua ahih ciangin amah in minam tampite dipkuasak dinga, ama hangin kumpite in a kam uh cih ding uh hi. Bang hang hiam cih leh amaute tungah a kigen ngei lo nate mu ding uh a, amaute in a zak ngei loh uh nate thei tel ding uh hi,” a ci hi.

Jeremiah 24:7

Keimah Topa ka hih lam theihtheihna lungsim ka pia ding hi. A lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, kei pen amauteʼ Pasian ka hi ding hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Jeremiah 30:21

A kumpi ding uh amaute khat mah hi dinga, amaute a uk ding amauʼ sung mah panin a piang ding hi. Keimah in amah ka kai dinga, kei kiangah amah hong pai ding hi. Tua hikeileh ama thu-in kei a hong zuan ngam ding kua om ahi hiam, Topa in kong ci hi.

Ezekiel 16:9

Kei zong tui la-in na tunga si baang teng kong sawp khiatsak a, oliv thau tawh kong zut zol hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Siampi Laibu 14:7

Amah in phak natna panin a kisiangsak ding paʼ tungah sagih vei theh dinga, tua ciangin amah siang hi, ci-in gen dinga, a hing vasa pen gamlak ah khah ding hi.

Siampi Laibu 16:4

“Amah in a siangtho saihadial puan tungsilh silhin, saihadial pheituam teengin, saihadial kawnggak tawh kigakin, saihadial dialpi khim ding hi. Hihte pen a siangtho puan ahi hi. Amah in tui sungah a pumpi sil dinga, tua ciangin tua puante silh ding hi.

Siampi Laibu 8:6

Tua ciangin Moses in Aaron le a tapate paipihin tui tawh amaute a sil hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Gamlak-vakna 8:7

Amaute siansak nadingin hih bangin na hih ding hi: Siansuahna tui amaute tungah theh inla, a pumpi khempeuh uh mulkiatna tawh amau kiatsak inla, a puante uh sawpin amau mah na kisiang tawmsak ding hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Luka 1:1

A lian mahmah Theofilas aw: Eite lakah a piang ngeisa thu a kigente, mi tampi in amau siamna zah ciat tawh lai-in a gelh uh hi.

Johan 3:5

Jesu in, “A mantakin kong genin ah, mi khatpeuh tui le Kha Siangtho tawh a suahkik kei leh Pasianʼ Ukna sungah lut thei lo ding hi.

Johan 8:9

Ahi zongin hih kammal a zak uh ciangin amaute a khangham pen panin khatkhatin paikhia uh a, a tawpna ah Jesu le a mai ah a ding numei bek a om lai hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

Sawltak 8:21

Pasian in na lungsim man hong sa lo ahih manin koteʼ nasepna ah nang nong kihel thei kei ding hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Efesa 3:12

Amah tawh i kipawlna le amah i muanna hangin kimuang takin Pasian kiangah pai theih nading hun i nei hi.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

Efesa 6:5

Silate aw, launa le linna tawh na leitung tote uh thu mang unla, Khrisʼ na na sep uh mah bangin lungsim takpi tawh na na sepsak un.

1 TIMOTI MASA 4:2

Tua bang zuau thuhilhnate pen zuau genin mi a khem, sik em sa tawh tat gawp bangin a lungsim un a hoih le a hoih lo a khen thei nawn loteʼ kam panin hong ging khia ding hi.

Titu 3:5

amah in eite hong hon khia hi. Eite in na hoih i sep zawhna hangin hong hon khia hi loin eite tungah suahtakna le nuntakna thak a hong pia Kha Siangtho in hong sawp siangna hangin a hong hehpihna tawh a hong hon khia ahi hi.

Hebru 10:1

Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

Hebru 11:28

Mi That Vantungmi in Israel mite ta upa pen khempeuh a thah khak loh nadingin Paisan Pawi kipiangsakin, inntual kongtung zawl khempeuh sisan a kizutna zong upna hang mah ahi hi.

Hebru 12:24

thuciamna thak a hong vaihawm Jesu kiang, Abelʼ sisan sangin thu hoih zaw a gen sisan a kithehna mun na tung zo uh hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

Hebru 6:11

Note khat ciatʼ lametna thu hong tun taktak theih nadingin a tawp dongin lawpin na thanop paisuak nading uh ka hong deihsak pha uh hi.

Hebru 7:19

Moses Thukham ahi ngeina lui in a cingtaaksak zawh bangmah om lo ahih manin eite in Pasian i naih theih nading lametna ahi ngeina thak hong kithun hi.

Hebru 9:10

Zu le an le pumpi siansuahna ngeina tuamtuamte hi bek a, Pasian in na khempeuh a puahphat hun ma kikal sungteng zat ding ngeina ahi hi.

Hebru 9:19

Moses in zong mite tungah Thukham sunga om thute a piak lai-in bawng no sisan, keel sisan le tui sungah puknah le tuumul san diahin, tuate tawh Thukham laibu le mite theh a,

Jeim 1:6

Ahi zongin na nget uh ciangin hong pia takpi ding hi, ci-in muanna tawh na ngen un. A muang lah mite pen huih nunna lam peuh ah a kinil kawikawi tuihualte tawh kibang lel hi.

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

1 PETER MASA 1:2

Pa Pasian in ama ngimna sa bangin note hong teel a, note in Jesu Khrisʼ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

1 PETER MASA 3:21

Tui pen note a hong hon khia tuiphumna lim hi a, pumpi panin nin sawp khiatna lim hi loin, Jesu Khris thawhkikna hangin lungsim siantho nadingin Pasianʼ tungah kamciamna lim ahi hi. Tua Jesu thawhkikna in note hong hon khia ahi hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,