Hebru 10:11 - Tedim Bible Revision 2017

¹¹ Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Tedim Bible

¹¹ Siampi peuhmah in ni simin na semin, cikmah hunin mawhna a maisak zo lo piaknate pia kikkikin a ding uh hi.

Hebru 10:11 Iomraidhean Croise

Paikhiatna 29:36

Kilem nadingin mawhna hanga biakna-in nisimin bawngtal khat na pia ding hi. Sianthosak nadingin sathau na nilh ciang le kilemna na bawl ciangin biakna tau adingin khialhna hanga biakna khat zong na pia ding hi.

Isaiah 1:11

Topa in hih bangin ci hi: “Noteʼ biakpiakna a tampite pen keiʼ tungah bang hi leltak ahi hiam? Tuutalte le ganhing thauteʼ sathau tawh meihal biaknate ka kham ta hi. Bawngtalte, tuunote le keelteʼ si tawh kei ka lungkim kei hi.

Ezekiel 45:4

Hih a kiseh khia mun sungteng pen biakna leitang siangtho hi dinga, Topaʼ biakinn sungah na a sem siampite ading hi ding hi. Hih mun sungteng pen siampiteʼ inn lam nading mun le biakinn lam nading mun siangtho hi ding hi.

Daniel 11:31

A galkapte pawl khat in biakinnpi le biakinnpi huang a ninsak ding uh hi. Amaute in nisim biakpiaknate khawlsak ding uh a, a Lipkhaphuai na a suang ding uh hi.

Daniel 12:11

Amaute in nisim biakpiakna a khawlsak, a Lipkhaphuai na a hong pian ciangin ni tul khat za nih sawm kua sung a sawt ding hi.

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Daniel 9:21

Thu ka nget laitakin ka maangmuh masak sunga ka muh mipa Gabriel, ka omna munah a hong leeng suk hi. Tua hun pen nitak lam biakpiak hun laitak ahi hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gan gawh biakna le biakpiakna, hih hun lang sung a khawlsak ding hi. Biakinn dawn sang pen munah a Lipkhaphuai na kikoih ding hi; ahi zongin Pasian in tua a koihpaʼ thuak dingin a geel sa thu a koihpa in a thuak hun ciang dong, a Lipkhaphuai na pen a koihna mun mahah om lai phot ding hi,” hong ci hi.

Micah 6:6

Vantung Pasian, Topa biak nadingin bang va keng ding ka hi hiam? Amah biakna-in hal dingin bawng no thaute va paipih ding ka hi hiam?

Gamlak-vakna 28:24

Tua bangmahin mei tawh kihal an tawh biakna ahi, Topaʼ tungah a gim namtui, ni sagih sung nisimin na pia ding uh hi. Tua pen a kitatsat lo-a meihal biakna le leenggahzu tawh biaknate banah kipia ding hi.

Gamlak-vakna 28:3

“Topaʼ tungah na piak ding uh mei tawh kihal biakna in: A sitbaang lo kum khat a pha tuuno nih, tatsat loin biakpiakna-in nisimin na pia ding uh hi.

Gamlak-vakna 29:6

A khasim meihal biakna le an tawh biakna le a kitatsat lo-a meihal biakna le an tawh biakna le tuate ading ngeina a om bangin a gim namtui, Topaʼ tungah mei tawh kihal biakna ahi leenggahzu tawh biaknate banah hi ding hi.

Hebru 10:1

Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 10:4

Tua hi a, bawngtal sisan le keel sisan in mawhna siangsak zo ngei lo hi.

Hebru 5:1

Siampi lianpen ahi peuhpeuh mipa pen a miteʼ mawhna hangin Pasianʼ tungah biakna le letsong a piaksak dingin ama mipihte lak panin kiteelin nasep a kiguan ahi hi.

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 8:2

Amah in, miteʼ bawl ahi lo, Topa mahmah in a bawl a taktak puanbuk ahi a Siangtho Pen mun sungah siampi lianpen nasep a sem ahi hi.

Hebru 8:4

Jew Thukham tawh kizui-in Pasian tungah letsongte a pia ding siampite om khinta ahih manin leitungah Jesu a om lai hileh siampi hi thei het lo ding hi.