Hebru 1:5 - Tedim Bible Revision 2017

⁵ Bang hang hiam cih leh Pasian in vantungmi khat peuhpeuh tungah, “Ka Tapa na hi hi. Tu ni-in na Pa ka suak hi,” ci ngei lo hi. Tua mah bangin, “Kei, ama Pa ka hi dinga, amah, ka Tapa ahi ding hi,” ci-in zong kampau ngei lo hi.

Tedim Bible

⁵ Bang hang hiam na cih uh leh: “Nang in ka Tapa na hi hi, Tuni-in na Pa ka suak zo hi,” ci-in ahi zongin, “Keimah in ama Pa ka hi ding hi, Amah in zong ka Tapa ahi ding hi,” ci-in ahi zongin a kua vantungmi kiangah khatvei beek thupia ngei ahi hiam?

Hebru 1:5 Iomraidhean Croise

2 SAMUEL NIHNA 7:14

Kei pen ama pa ka hi dinga, amah pen keima tapa hi ding hi. Amah in mawhna a bawl ciangin, keimah in miteʼ ciangduai tawh amah ka thuhilh ding hi.

1 KHANG TANGTHU MASATE 17:13

Kei pen ama pa ka hi dinga, amah pen keima tapa hi ding hi. Nangma hun ma-a sem Saulʼ tung panin ka lakkhiat bangin nangma tung panin ka itna kip ka la khia kei dinga,

1 KHANG TANGTHU MASATE 22:10

Amah in keima min dingin biakinn khat lam ding hi. Amah ka tapa hi-in, kei, ama pa ka hi dinga, Israel sungah ama kumpi tokhom ka kipsak paisuak ding hi,’ hong ci hi.

1 KHANG TANGTHU MASATE 28:6

Amah in kei kiangah, ‘Ka biakinn le a inntualte a bawl ding pa pen na tapa Solomon ahi hi; bang hang hiam cih leh ka tapa dingin amah ka teel khin a, kei pen ama pa ka hi ding hi.

Late 2:7

Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

Hebru 5:5

Tua mah bangin Khris zong, a mahmah in siampi lianpen nasep a sem tawm mawk hi loin Pasian in ama kiangah, “Nang, ka Tapa na hi hi. Tu ni-in na Pa ka suak hi,” na ci hi.