Hebru 1:3 - Tedim Bible Revision 2017

³ Tua Tapa in Pasianʼ minthanna vang hong taang khiasak a, Pasianʼ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasianʼ taklam, vantungah a tu hi.

Tedim Bible

³ Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Hebru 1:3 Iomraidhean Croise

1 KHANG TANGTHU MASATE 29:11

Topa aw, liatna, vangliatna, minthanna, gualzawhna le min liatnate nangma aʼ ahi hi; bang hang hiam cih leh vantung le leitungah a om khempeuh zong nangma aʼ ahi hi. Topa aw, kumpi gam nangma aʼ hi a, tuate khempeuh tungah nang a lutangin hong kisangsak hi.

JOB (Job) 37:22

Kham mel khuavak leilu lam pan hong taang a, Pasianʼ minthanna pen zahtakna tawh kidimsak hi.

Late 110:1

Topa in ka to kumpipa tungah, “Na galte nangma khengakna-in ka bawl matengin ka tak lamah tu in,” a ci hi.

Late 75:3

Leitung le a tunga teengte khempeuh a kilin ciangin a khuampite a kipsak pa keimah ka hi hi.

Thuhilh-sia 8:4

Kumpipa aana neihna tawh gamta hi. Ama gen bangin gamta in; kuamah in amah nial zo lo hi.

Siampi Laibu 15:15

Siampipa in tuate, khat khialhna hanga biak nading le a dang khat meihal biak nadingin pia dinga, a natui a paikhia mipa adingin siampipa in Topaʼ mai ah kilemna bawlsak ding hi.

Micah 5:4

Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Mattiu 22:24

“Sia aw, Moses in, ‘Mi khat ta nei loin a sih leh tua a si mipaʼ khang a kizop theih nadingin a naupa in a uʼ zi luah tahen,’ ci hi.

Marka 16:19

(Tua bangin Topa Jesu in amaute tungah thu a gen khit ciangin vantungah kila to-in Pasianʼ tak lamah a tu hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Johan 1:29

A zing ciangin Johan in ama kiangah Jesu hong pai a muh ciangin, “En un, leitung mawhna a la khia Pasianʼ Tuuno hih lai ah hong pai hi.

Johan 1:4

Nuntakna a nei khempeuh in tua Thu tung panin a nuntakna uh ngah a, tua nuntakna in mi khempeuh tungah khuavak hong tunpih hi.

Sawltak 2:33

Amah in Pasianʼ tak lamah omna dongin liatna ngah a, ama tungah Pasian in a ciam sa Kha Siangtho zong a ngah khin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Sawltak 7:56

“En un! Vantung kihong a, Pasianʼ tak lamah Mihing Tapa a ding ka mu hi,” a ci hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a hon khia zo Pasianʼ vangliatna ahi hi.

ROM (Romans) 8:34

Tua ahih manin kua in amaute tungah thu khen thei nawn ding ahi hiam? Eite adingin a hong thumsak pa pen Pasianʼ tak lamah a tu, a sih khit ciangin sihna panin a kihingkiksak Khris Jesu hi lo ahi hiam?

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

Kolose 3:1

Note pen Khris tawh a thokik khinte na hih manun, Pasianʼ taklam a kumpi tokhom tungah Khris a tutna mun vantung thute ngaihsutin nei un.

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Hebru 1:13

Ahi zongin Pasian in ama vantung mite kiangah, “Na galte na khe nuai ah ka hong sikcipsak matengin ka tak lamah hong tu in,” ci ngei lo hi.

Hebru 10:12

Ahi zongin Khris in mawhna hangin khatvei a piak khit ciangin a tawntung adingin kimang ahih manin Pasianʼ taklam ah tu hithiat a,

Hebru 12:2

Eite hong makai-in i upna a hong cingtaaksak Jesu mitsuanin nei ni. Mai lamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom tak lamah a tu hi.

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Hebru 8:1

Tu-in i gen nop thu pen hih bang ahi hi: Vantungah Pasianʼ tokhom tak lamah a tu tua bang Siampi Lianpen khat a nei ihi hi.

Hebru 9:16

Mi khat in a sih khit ciangin a gamhluah dingin a deih pa lai-in ciamtehin a koih leh a laibawl pa a sih phot ding kisam hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

2 PETER NIHNA 1:16

I Topa Jesu Khris a vangliatna le a hong paikik nading thute note kiangah kong gen uh ciangin mihingteʼ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

2 PETER NIHNA 1:17

Vanglian Minthang pa in, “Hih pen ka it ka Tapa hi a, ama tungah ka lung a kim mahmah hi,” ci-in genin, Pa Pasian in ama tungah minthanna vang le pahtawina a piak laitakin komau pumpi mahmah tawh a om ka hi uh hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

1 JOHAN MASA 3:5

Khris pen mawhna a nei het lo hi a, miteʼ mawhna a la khia dingin Khris hong kilang ahihna thu na thei uh hi.

Juda 1:25

khat bek ahi eite a hong Hon Pasian in, tu ma, tu laitak le a tawntungin, minthanna, vangliatna, uk zawhna le aana nei tawntung tahen. Amen.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Mangmuhna 4:11

“Koteʼ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.