Filemon 1:22 - Tedim Bible Revision 2017

²² Tua banah, Pasian in note khempeuhʼ thungetna hong pia-in, note kiangah kei hong paikik thei dingin kilamen ka hih manin ka om nading inn dei zong a baih sa-in na bawl un.

Tedim Bible

²² Tua tham loin, ka giah nading omna mun zong na bawlkhol in. Bang hang hiam na cih leh, nangma thungetna hangin na kiangah tun’ theih nading thu ka ngahkik ding ka lamen hi.

Filemon 1:22 Iomraidhean Croise

Sawltak 27:24

‘Paul aw, lunghimawh kei in. Gam uk kumpipa mai ah na ding dinga, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

ROM (Romans) 15:24

tu-in note tawh kimu thei ta dingin ka kilamen hi. Spain gam ka pai kawmin note kiang ka hong nawk nuam a, note tawh tawl khat i kikholh khit ciangin Spain gam ka paina dingah nong huh ding uh ka ut hi.

2 KORIN NIHNA 1:11

Kote adingin thu hong ngetsak un. Tua hileh mi tampi in kote adingin thu a hong ngetsaknate uh Pasian in a hong piakna hangin mi tampi mah in koteʼ tang dingin Pasian tungah lungdamna ko thei ding uh hi.

Filippi 1:19

Note hong thungetsakna le Jesu Khris Kha Siangtho huhna tawh suakta ding hi ing, ci-in thei ka hih manin ka lungdam hi.

Filippi 2:24

A sawt loin kei mahmah zong ka hong pai theih nadingin Topa in hong huh ding hi, ci-in ka muang hi.

Hebru 13:19

Note kiangah Pasian in kei hong paisakkik baih theih nadingin nakpi takin thu na na nget nading uh ka hong thum pha nuam hi.

Hebru 13:23

I sanggampa Timoti zong thong panin a suahtak khitna thu ka hong theisak nuam hi. Amah hong pai baih nakleh note kiangah ka hong pai ciangin ka hong tonpih ding hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

2 JOHAN NIHNA 1:12

Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

3 JOHAN THUMNA 1:14

Nang tawh kimu baih thei dingin kilamen ka hih manin, tua hun ciangin maitang kimu-in i kiho ding hi.