Daniel 7:4 - Tedim Bible Revision 2017

⁴ A masa pen humpinelkai tawh kibang a, ahi zongin muvanlai kha tawh a kibang kha a nei hi. Ka et laitakin a kha tegel a hong kibot khia hi. Leitung panin tua ganhing kidom kaang to-in, mihing bangin a khe nihin kidingsak a, mihing lungsim ama tungah a kipia hi.

Tedim Bible

⁴ Amasa pen humpinelkai tawh kibang a, ahi zongin muvanlai’ kha tawh a kibang kha a nei hi. Ka et lai takin a kha tegel a hong kibotkhia hi. Tua ganhing leitung panin kidom kaang to a, mihing bangin a khe nih in kiding sak a, mihing’ lungsim ama tungah a kipia hi.

Daniel 7:4 Iomraidhean Croise

Jeremiah 4:7

Humpinelkai khat a bukna sawlkawm panin hong kuan khia zo a, gamte a susia ding pa hong paikhia zo hi. Na gam uh a kisiasak ding le na khuapite uh ah kuamah a ten loh nadingin a susia dingin ama omna panin hong kuan khia khinzo hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtak kung khat a dawn va kuaitan a,

Mattiu 24:28

“Sapul omna peuh ah musane kikaikhawm ding hi.”

Daniel 4:36

“Ka khuatheihna a hong tunkik ciangin ka kumpi za, ka minthanna le ka gam minthannate a hong kipiakik hi. Ka mi liante le ka thudot mite in hong muak uh a, nidang sangin a lian zaw minthanna le ka kumpi za a hong kipiakik hi.

Ezekiel 28:9

Nang a hong that ding a hong kuan ciangun, kei pasian bang hi ing, na ci lailai diam? Nang hong thatte na tuah ciangin mihing na hih lelna hong kilang ding hi.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gen nop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Kah la 4:19

Mu ak bawh sangin a manlang zaw-in amaute in a hong delh uh hi. Amaute in mual tung panin hong delh suk uh a, theih kholh lohin a hong man khin uh hi.

Jeremiah 48:40

Topa in kong cih in ah: En in, muvanlai leeng bangin manlang takin gam khat hong leeng dinga, Moab gam a sim dingin a kha hong zal ding hi.

Jeremiah 25:38

Topaʼ namsau hang ahi a, a lauhuai ama hehna hang ahi zongin, amauʼ gam pen gam simtham suak khin ahih manin humpinelkai in a kua a nusiat bangin Topa in a mite nusia zo hi,” a ci hi.

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Late 9:20

Amaute lausak in, Topa! Mi ahih lelna uh minamte theisak in!

JOB (Job) 25:6

Tua ahihleh, lungno, ganhing no ahi lel mihing pen bangci ding ahi hiam? Mihing in Pasianʼ muhna ah bang man lel ahi hiam?” a ci hi.

2 SAMUEL NIHNA 1:23

“Saul le Jonathan, ki-it uh a, it-huai uh! A sih a hinin amaute kikhen lo a, muvanlai sangin zaptel zaw uh a, humpinelkai sangin thahat zaw uh hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amauʼ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, noteʼ lang khat ah hong paipih dinga,

Mangmuhna 13:2

Tua ka muh ganhing pen kamkei tawh kibang a, a khete vom khe tawh kibang a, a kam pen humpinelkai kam tawh a kibang hi. Gulpi in tua ganhing tungah ama vangliatna, ama tokhom le aana lianpi a pia hi.

Daniel 7:5

Tua ciangin a nihna sapi vompi tawh a kibang khat ka mu hi. A nung lam khe tawh dingin a ha tawh nakguh thum pet a, “Na duh zahzah sa tampi ne in,” cihna aw khat a hong ging hi.

Jeremiah 49:19

En un, lo nona ah nuam takin a om tuute, Jordan gam tulak panin a hong pai to humpinelkai in a delh mang bangin, a gam uh nusia-in thakhat thu-in ka taisak mang dinga, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Keima to ahi ding kua om lai ahi hiam?

Daniel 2:38

Amah in miʼ teenna leitung teng, ganhing teng le vasate a uk dingin nang a hong koih hi. Tua kham lutang pen nangmah na hi hi.

Daniel 7:12

Sapi dangte ahihleh a vangliatna uh kilak khiatsak a, ahih hangin a nuntak lai nading uh hun ciangtan khat a kipia hi.